Kënga më e re e shqiptares me famë botërore, Rita Ora, e titulluar “Joy” , do të dëgjohet në sezonin e dytë të reality-show-t të njohur në platformën Netflix, “Love Is Blind UK”, percjell Koha.net.
Sipas një burimi për rubrikën Bizarre të gazetës The Sun, ky lajm nuk është ndonjë sekret.
“Nuk është sekret që Rita e adhuron dashurinë, prandaj mezi priti ta incizojë një këngë për ‘Love Is Blind UK’”, ka thënë burimi.
Mundesh me e lexu edhe…
Ani pse “Joy” nuk do të jetë pjesë e albumit të ri të Orës, ajo e pranoi këtë projekt me shumë dëshirë.
“Është më shumë një mini-projekt anësor se sa pjesë e albumit të ri. Kënga do të përdoret në emision dhe do të jetë e qasshme për dëgjim online, por nuk ka plane për videoklip apo promovim në radio”, ka thënë tutje burimi.
Ndërkohë, Ora ka lansuar këngën “Heat” në muajin qershor, e cila sipas saj, përfaqëson drejtimin e ri të muzikës që dëshiron të sjellë.
Kënga në fjalë është bashkëshkruar me artistin australian Troye Sivan, për të cilin Ora thotë se e adhuron.
“E adhuroj seksualitetin e tij dhe mënyrën si e manifeston atë. Ishte frymëzim për mua si grua që të festoj seksualitetin tim, sensualitetin dhe të rikthehem në kontakt me trupin tim. Kjo këngë mishëron pikërisht këtë ndjesi”, ka thënë këngëtarja.
Ora, e cila është e martuar me regjisorin Taika Waititi që nga viti 2022, nuk ka nxjerrë album të ri që nga viti 2023.
Ajo ka thënë se tani është koha për t’u rikthyer dhe për t’u prezantuar sërish para publikut.
“Ndjej se kam shumë gjëra për t’ia rikujtuar publikut, sidomos adhuruesve të rinj. Më pëlqen ideja që të tregoj sërish se kush jam”, ka theksuar kosovarja. /Katror.info
Përgatiti:
