Këngëtarja me prejardhje shqiptare, Rita Ora, ka zgjedhur një mënyrë kreative dhe joshëse për të paralajmëruar këngën e saj më të re, duke e rikthyer vëmendjen e publikut dhe mediave tek vetja, shkruan Katror.info.
Në disa fotografi të publikuara në llogarinë e saj në Instagram, Rita shfaqet duke pozuar pranë një pishine mbi një dyshek në formë akulloreje, veshur me një palë rroba banje të zeza njëpjesëshe me prerje të guximshme dhe atlete sportive. Pamja verore dhe pozat sensuale kanë bërë që imazhet të marrin mijëra pëlqime dhe komente pozitive nga fansat.
Në përshkrimin e postimit, ajo shkruan: “Në pritje që ‘Heat’ të publikohet”, duke lënë të kuptohet se kënga e re është gati për t’u lansuar së shpejti. Edhe pse data zyrtare nuk është bërë e ditur, pritshmëritë për projektin janë të larta.
Mundesh me e lexu edhe…
“Heat” pritet të jetë një tjetër sukses për Ritën, e cila është e njohur për stilin e saj unik muzikor dhe bashkëpunimet me emra të njohur ndërkombëtarë. Me këtë paraqitje, ajo jo vetëm që paralajmëroi rikthimin muzikor, por njëkohësisht përçoi edhe ndjesinë e verës – me stil, vetëbesim dhe energji pozitive.
Rita Ora vazhdon të dëshmojë se është një artiste që di si të tërheqë vëmendjen në çdo hap të karrierës së saj./Katror.info
