Rita Ora dukej sensacionale e veshur me një kostum të bardhë, teksa publikoi fotot nga prapaskenat në Instagram të mërkurën, gjatë turneut të përbashkët me Kylie Minogue në turneun në Miami.
Këngëtarja 34-vjeçare ekspozoi linjat e saj trupore me një kostum të ngushtë me dantellë dhe atlas, të cilin e kombinoi me çizme të bardha deri mbi gjunjë, shkruan DailyMail.
Rita i kishte lënë flokët e saj të gjatë bionde të lëshuara dhe kishte vendosur mbi kokë një shami të qëndisur të kombinuar me veshjen, ndërsa qëndronte ulur në prapaskenë duke pozuar për fotografi.
Mundesh me e lexu edhe...
Këngëtarja e hitit “Poison” më vonë veshi një fanellë të kuqe të skuadrës së basketbollit Miami Heat para se të ngjitej në skenë në Bregun Lindor.
Rita e kompletoi pamjen skenike me një byzylyk të trashë prej ari dhe grim glamuroz që përfshinte hijë të syve rozë të ndezur.
Ish-anëtarja e jurisë në “The Masked Singer” performoi disa nga hitet e saj në Kaseya Center, ku iu bashkua turneut “Tension” të Kyliet.
Rita do të jetë mysafire speciale në shumicën e pjesës amerikane të këtij turneu të Kylie Minogue, transmeton Telegrafi.
Ajo u shoqërua në skenë nga valltarët e saj dhe, si një surprizë e bukur për publikun, këndoi edhe këngën e saj të re ende të papublikuar me titull “Heat”.
Me një performancë mbresëlënëse dhe plot energji, Rita përfshiu në setin e saj edhe disa nga hitet më të mëdha si “Your Song”.
Duke ngacmuar këngën e re gjatë koncertit, Rita tha: “Thjesht do t’ju luaj këngën time të re sepse quhet ‘Heat’ dhe ka shumë kuptim që po e këndoj këtu në Miami. Do të publikohet së shpejti”.
Rita është duke e mbështetur Kylien në këtë pjesë të parë të turneut, pasi më herët kishte zbuluar se hiti i madh i Kyliet nga viti 2023, “Padam Padam”, për pak sa nuk i ishte dhënë asaj.
Kjo këngë e zhanrit synth-pop – e shkruar nga këngëtarja dhe kompozitorja norvegjeze Ina Wroldsen dhe producenti Lostboy – u bë hit viral për Kylien.
Megjithatë, disa artistëve iu ofrua mundësia për ta regjistruar, përfshirë edhe këngëtaren e Anywhere, pasi fillimisht nuk mendohej se kënga ishte për Kylien.
Lostboy i tha gazetës britanike The Sun, në rubrikën Bizarre: “E shkruam Padam në shkurt të vitit 2022 dhe më pas për katër apo pesë muaj nuk bëmë asgjë me të, derisa e dërgova te label-i i tyre, dhe dikush më sugjeroi: ‘Kylie do ta ‘vrasë’ këtë këngë’”.
Ai shtoi: “Fillimisht ishin të pasigurt, madje kishte një moment kur Rita do ta regjistronte këngën. Ajo po qarkullonte mes disa artistëve të atij label-i”.
“Po përpiqeshin ta realizonin, por nuk mendonin se ishte për Kylien”.
Kjo vjen pasi Rita nisi zyrtarisht rolin e saj si mbështetëse në turne të shtunën në arenën State Farm në Atlanta.
Pas koncertit, Rita u shpreh e entuziazmuar: “Nata e parë e turneut – wow, pritja ishte e pabesueshme dhe jam shumë mirënjohëse për këtë mundësi që të lidhem me Amerikën e Veriut. Është një kompliment i madh të hapësh koncertin për një ikonë të tillë.”
Turneu Tension i Kylie Minogue do të përfundojë më 26 gusht. Më pas ajo do të shkojë në New York për dy koncerte në Madison Square Garden, para se të ndalet për një koncert në Capital One Arena në Washington, D.C.
Kylie është artistja femër australiane më e shitur e të gjitha kohërave dhe e treta më e shitur në Mbretërinë e Bashkuar.
Por vetëm tani ka filluar të bëjë emër në SHBA, pas suksesit të hitit të saj viral Padam Padam në vitin 2023.
Në të kaluarën, Kylie ka pohuar se fakti që nuk arriti sukses në tregun amerikan nuk e shqetësonte, madje e shijonte anonimatin atje – por në vitin 2023, label-i i saj bëri të ditur se ajo tashmë është e përqendruar seriozisht në “pushtimin” e tregut amerikan. /Katror.info
Përgatiti:
