Sulmuesi i Ballkanit, Albion Rrahmani, për herë të parë është ftuar nga Kosova për ndeshjet zyrtare.
Rrahmani është krye top-shënues në Superligën e Kosovës dhe i vetmi në kampionatin tonë i ftuar nga Alain Giresse.
Ai ka folur për ftesën, ndeshjen me Izraelin edhe objektivat e Kosovës në këto eliminatore.
Mundesh me e lexu edhe...
“Është një ndjenjë e veçantë të jesh pjesë e Kombëtares së Kosovës. Unë këtu jam lindur dhe rritur si futbollist. Shpresoj ta ndihmojë ekipin në objektivat e tij dhe të kualifikohemi në Euro 2024”.
“Izraeli? Besoj në rezultat pozitiv, pasi kemi një grup shumë të mirë të lojtarëve dhe të gjithë janë në ecuri të mirë në klubet e tyre. Shpresoj ta dëshmojnë këtë edhe në ekipin kombëtar dhe pse jo të arkëtojmë tri pikë atje”.
“Përfaqësues i Superligës në kombëtare? Patjetër është një privilegj. Zgjedhja e trajnerit Alain Giresse më ka dhënë motiv jashtëzakonisht shumë që të vazhdojë me gola në Superligë. Por, fillimisht shpresoj të nxjerrim rezultate pozitive me kombëtaren e pastaj të vazhdojë me përmbushjen e objektivave me klubin”, ka thënë Rrahmani.
Sylvinho provon skema të reja për ndeshjen me Poloninë
Kombëtarja shqiptare ka vijuar përgatitjet për sfidën e parë të kualifikuesve të Euro 2024 ndaj Polonisë. Në seancën e parë stërvitore të ditës së katërt, trajneri Sylvinho e ndau ekipin në dy grupe. Fillimisht stërvitje në palestër e më pas në fushë. Tekniku dhe stafi i tij punuan veçmas me secilin grup për vendosjet taktike në situata të ndryshme loje.
Në përgatitjet që po bëhen në “Shtëpinë e Futbollit” për pak minuta është zhvilluar edhe një ndeshje kontrolli mes dy grupeve të përcaktuara nga trajneri. Çdo gjë ka shkuar mirë dhe futbollistët janë të gjithë në formë.
23 të grumbulluarit nuk kanë probleme fizike dhe stafi mjekësor është në kujdes të vazhdueshëm ndaj lojtarëve. Nga ana tjetër edhe atmosfera është shumë pozitive si dhe ka optimizëm për nisjen e fushatës kualifikuese të europianit.
Kombëtarja do të vijojë përgatitjet në Shqipëri deri të dielën, për të udhëtuar më pas drejt Varshavës, aty ku të hënën në mbrëmje do të luhet sfida e parë, në ora 20.45./Katror.info
Përgatiti:
