Komuna e Prishtinës sot (29 korrik) duke filluar nga ora 18:00 mban dëgjimin publik për ndarjet buxhetore për vitin 2025. Rrjeti i Grave të Kosovës (RrGK) përmes një postimi në Facebook ka ftuar qytetarët që të marrin pjesë pasi që përmes këtij takimi komuna do të njoftohet për nevojat e vetë qytetarëve.
Buxhetimi i Përgjegjshëm Gjinor për të cilin avokon RrGK do të thotë planifikim dhe buxhetim më i mirë për gra dhe burra.
Sipas një udhëzuesi të RRGK-së, me BPGJ nuk do të thotë që patjetër të rriten fondet, por mund të rezultojë në përdorim më efikas të fondeve ekzistuese.
Mundesh me e lexu edhe…
Gjithashtu mënyra se si alokohen shpenzimet publike, mund të kontribuojë në zvogëlimin e pabarazive gjinore brenda një shoqërie.
Zbatimi i suksesshëm i qasjes së BPGJ-së në kuadër të buxhetit qeveritar mund të rrisë efektivitetin e ndarjes së mjeteve, mund të përmirësojë efikasitetin e shpenzimeve, i mundëson qeverisë të ndajë fonde të mjaftueshme për realizimin e roleve dhe të përgjegjësive të cilat i ka aktualisht. Ndërsa, zyrtarët për buxhet, departamentet buxhetore, dhe institucionet në nivel komunal dhe qendror mund ta shfrytëzojnë BPGJ-në për të komunikuar dhe arsyetuar më mirë nevojat e departamenteve të tyre te institucionet dhe palët e tjera, duke përfshirë Ministrinë e Financave.
Hulumtimet ndërkombëtare tregojnë se barazia më e madhe mes burrave dhe grave çon në rritje dhe prosperitet ekonomik./Katror.info
Përgatiti:
