A e dini që për të prodhuar një palë xhinse duhen rreth 7,500 litra ujë? Kjo është e njëjta sasi që një person mund të pijë për 7 vite! Eh po, moda ka një kosto të fshehur dhe është shumë më e madhe sesa e imagjinojmë.
Në këtë video, do të zbulojmë si mund të kursejmë burimet natyrore dhe të ulim ndotjen, duke shitur, ripërdorur ose ricikluar rrobat tona! Jo vetëm që do të përfitoni financiarisht, por do të bëheni pjesë e një revolucioni ekologjik!
Si ndikon industria e modës në ambient?
Mundesh me e lexu edhe…
Sasia e ujit të përdorur për një palë xhinse është 7,500 litra ujë, një bluzë pambuku 2,700 litra ujë (e që mjafton për t’i siguruar një personi ujë për 2.5 vite).
Është shqetësuese fakti se vende të ndryshme nëpër botë përballen me munges uji të pijes, por industria e tekstilit përdor 20% të ujit industrial në botë.
Po sa i përket emetimit të karbonit?
Industria e modës prodhon 10% të ndotjes globale me karbon, më shumë se aviacioni dhe transporti detar të marrë së bashku. Transporti i veshjeve nga fabrikat nëpër botë lëshon miliona ton dioksid karboni çdo vit.
Ndotja e fundit që mund të konsiderojmë është mbetja e tekstilit.
Sipas Ellen MacArthur Foundation, çdo sekond, një kamion i mbushur me rroba hidhet në mbeturina ose digjet. 85% e rrobave përfundojnë në deponi çdo vit.
Por si mund të bëjmë ndryshimin?
Mes përdorimit të domosdoshëm dhe mes ndotjes, ka disa alternativa që ndihmojnë në zbutjen e efektit të tejprodhimit dhe mbjetjes së rrobave, dhe kjo fillon qysh me juve.
Si fillim ju mund të kontribuoni në mbrojtje të mjedisit duke fituar gjithashtu para, pra shisni rrobat që nuk përdorni më!
Nëpër botë ka shumë platforma ku mund të shisni rrobat tuaja online, duke u dhënë atyre një jetë të dytë, apo duke i dhuruar për reciklim. Ani pse kjo e fundit mungon në Kosovë, megjithatë ka shumë platforma që u mundësojnë të dhuroni, të shisni apo edhe të merrni rroba të përdorura.
Në Kosovë, mund të shisni dhe blini rroba të përdorura përmes platformave online siç janë platforma për shitjen dhe blerjen e rrobave të përdorura: MerrJep.com, zerozero, apo të dhuroni dhe të merrni falas në platformën merrfal.
T’i shisni apo t’i dhuroni falas dhe të bleni në dyqane të rrobave të dorës së dytë, siç është Tesha Vesha në Prishtinë.
Apo të kontribuoni në organizata bamirëse që pranojnë veshje të dorës së dytë si: Handikos, Qendra për Punë Sociale, në komunat e ndryshme të Kosovës, në Organizata Joqeveritare Lokale siç është edhe Kryqi i Kuq, etj.
E nëse qasjet mund t’i keni të disponueshme ju mund t’i dhuroni ato në brende të njohura botrore, si: H&M Garment Collecting (informatat mbi të cilën mund t’i merrni nëpër pikat e dyqaneve nëpër Kosovë), dhe në Nike Reuse-Shoe, (ku mund t’i dhuroni atletet e juaja për riciklim).
Tani pas familjarizimit me këto statistika tronditëse, a do të mund t’i hedhni rrobat tuaja në deponi ose t’i digjni ato, apo do të konsideroni alternativa në të mirën e përgjithshme, duke kursyer xhepin, duke ndihmuar njerëzit më në nevojë, dhe duke mbrojtur mjedisin./Katror.info
Përgatiti:
