Në një intervistë ekskluzive me Diana’Stories, Besa Osmani- Haliti, udhëheqëse e Departamentit të Marketingut në Meridian Express, ndau përvojën e saj 12-vjeçare në kompani, duke theksuar angazhimin vizionar të kompanisë ndaj përgjegjësisë sociale të korporatës (CSR), mirëqenies së punonjësve dhe fuqizimit të grave në vendin e punës.
Përgjegjësia Sociale e Korporatës Meridian (CSR)
Meridian Express është njëra nga themelueset e rrjetit CSR Kosova, organizatë kjo e themeluar në vitin 2011, e cila ”bashkon bizneset dhe organizatat e përgjegjshme që veprojnë në Kosovë, për të punuar bashkërisht drejtë një zhvillimi të qëndrueshëm, duke promovuar konceptin, idetë dhe implementimin e praktikave efektive që rrisin ndikimin e Përgjegjësisë Shoqërore Korporative (CSR) në shoqëri. Anëtaret e rrjetit CSR Kosova, duke përfshirë këtu edhe Meridian Express si themeluese dhe anëtare e mesme e saj janë të përkushtuar në rritjen e rëndësisë së CSR-it në adresimin e sfidave shumë-dimensionale, me të cilat përballet shoqëria jonë, në fushat e të drejtave të njeriut dhe punëtorëve; çështjet mjedisore; luftimin e korrupsionit; dhe çështje të ndryshme të karakterit shoqëror, nën supozimin se përgjegjësia jonë vullnetare ndaj shoqërisë shkon përtej detyrimit për të respektuar rregulloret dhe ligjet në fuqi.”
Mundesh me e lexu edhe…
Mirëqenia e Punonjësve dhe Kultura e Besnikërisë
Duke investuar në mirëqenien e punonjësve të saj, Meridian Express ka krijuar një mjedis pune që promovon balancën mes jetës profesionale dhe personale. Kjo qasje ka rezultuar në një kulturë besnikërie, ku një numër kritik i punonjësve kanë qëndruar në kompani për periudha mbi 5-vjeçare, duke kontribuar në stabilitetin dhe suksesin afatgjatë të kompanisë. Znj. Haliti tregon se disa nga benefitet e punonjëseve ne kompani janë:
- Sigurimi Shëndetësor;
- Trajnimet profesionale;
- Programi ndërkombëtar për retail për “Certifikimin e Menaxhereve” në market,
- Politika të zbritjes në shujtat ushqimore dhe blerjet ne market.
Tek pjesa e listimit të përfitimeve të punonjësve, ajo nuk heziton të ndajë edhe përvojën e saj 12 vjeçare në Meridian mes jetës personale, zhvillimit në karrierë dhe familjes:
“Unë për vete kam fillu shumë e re, menjëherë pas përfundimit të studimeve, kam nisë punën, si pune praktike, pastaj duke kalu në pozitën e zyrtares, koordinatores, menaxheres dhe tash e gëzoj pozitën e udhëheqëses së marketingut për Meridian Express dhe Spar Kosova.
Në anën tjetër e kam edhe jetën personale, i kam 2 fëmijë, jam shumë e lumtur që në Meridian arrij me balansu ndoshta jetën profesionale dhe jetën personale duke e pas një mirëkuptim të hatashëm mundem me thanë te menaxhmentit në këtë rast që edhe familjen që e kam jashtë Meridian-it, me pas edhe një përkushtim edhe tek ajo pjesë.”
Fuqizimi i Grave dhe Përfshirja e Grave të Moshës së Mesme
Meridian Express ka ndërmarrë iniciativa për të fuqizuar gratë në vendin e punës, duke përfshirë programe për zhvillimin e aftësive dhe përfshirjen e grave të moshës së mesme në fuqinë punëtore. Këto programe synojnë të rrisin mundësitë ekonomike për gratë dhe të promovojnë barazinë gjinore në sektorin e biznesit.
Aktualisht në rrjetin e Marketeve Meridian, janë të punësuar mbi 500 punonjës, 48% e të cilëve janë vajza dhe gra dhe 35%, në mesin e tyre janë gra të moshës së mesme (40+) vjeç.
Lidhur me nevojën dhe kontekstin shoqëror për përfshirjes të grave të moshës së mesme në Kosovë, përmes ofrimit të mundësisë për kyçje në treg të punës, përmes Meridian Express, znj. Haliti përgjigjet:
“Para 2 viteve kemi qenë ndër kompanitë e para që kemi qenë nënshkruese të parimeve për fuqizimin e grave, iniciativë kjo globale nga UN Women, ku ideja ka qenë pikërisht d.m.th. përkrahja dhe fuqizimi i grave në tregun e punës.
Nga kjo ka nisur edhe një iniciativë tjetër apo një projekt që tash së fundmi duke e promovuar në masë më të madhe, që është promovimi i grave të moshës 40+. Krejt kjo ka rrjedhë për shkak se menjëherë pas përfundimit të luftës këto gra kanë aktualisht kanë pasur moshën 20-30 vjeç dhe nuk është që e kanë pas fokusin ndoshta shumë të madh me u kyç në tregun e punës, mirëpo ma tepër ndoshta kanë qenë të orientuara te krijimi i familjeve dhe nuk është që kanë pasur hapësirë shumë për edukim apo avancim tutje.
Pikërisht ne po bëjmë thirrje për këto gra me iu bashku Meridian Express-it, nuk ka lidhje nëse nuk kanë përvojë, për neve është shumë me rëndësi nëse ato kanë disponim dhe vullnet për me iu qasë tregut të punës, kanë disponim pozitiv për me iu bashku një kompanie siç është Meridian Express.”
Për të mësuar më shumë rreth angazhimit të Meridian Express në përgjegjësinë sociale, fuqizimin e grave dhe iniciativat komunitare, ndiqni intervistën e plotë me Besa Osmani- Haliti në kanalin e Diana’ Stories në YouTube nga autorja Diana Luzha.
Artikull i sponsorizuar.
Përgatiti:
