Tenori me famë botërore, Saimir Pirgu, mbajti koncertin e jashtëzakonshëm në Prishtinë. Së bashku me sopranon e mirënjohur nga Kosova, Marigona Qerkezi e nën drejtimin e mjeshtres Elda Laro dhe në shoqërimin e Orkestrës së Operës së Kosovës, ata mrekulluan publikun e pranishëm.
Koncerti u finalizua me duartrokitje dhe ovacione, duke shënuar një nga pikat kulmore të sezonit të Operës së Kosovës.
Tenori me famë ndërkombëtare Saimir Pirgu gjithashtu ka interpretuar tinguj të muzikës së bukur shqipe sikur që ishte “Fjalët e qiririt”.
Mundesh me e lexu edhe...
Tenori shqiptar me famë botërore Saimir Pirgu njëkohësisht e lansoi albumin e tij të ri “Saimir”.
Sopranoja me famë botërore, Marigona Qerkezi ka interpretuar disa vepra, ndër to “Unë biri yt Kosovë.”
Gjatë koncertit, Saimir Pirgu, Marigona Qerkezi, Ramë Lahaj, Flaka Goranci, Jeta Çitaku, Zana Ramadani dhe Harris Bajraktari interpretuan së bashku “La Traviata”, nën dirigjimin e Elda Laros.
“Jemi vende që kemi vuajtur shumë dhe të pretendosh të kesh opera në një shtet të porsaformuar është të kërkosh siç themi ne qiqra në hell. Por është një ide e mirë që ka përpjekje që nga kjo qendër e vogël si Prishtina t’i japin kulturë gjithë Kosovës e Shqipërisë. Kjo është një vlerë që duhet vlerësuar”, ka thënë Saimir Pirgu një ditë para koncertit.
Ai ka sqaruar se në album ka përfshirë edhe arien e operës “Skëndërbeu” të Prenkë Jakovës, pasi i intereson identiteti kombëtar.
“Gjuha na ka mbajtur gjallë dhe kjo gjuhë duhet mbështetur. Kjo duhet të reflektohet. Ku mund të jap unë një kontribut të vogël? Në punën time”, ka thënë ai. Sipas Pirgut, fakti që në konferencën para koncertit qe veç një ekip mediatik tregon shumë. Ka thënë se në këtë rast ka diçka, pasi mediat mblidhen edhe për gjëra të kota.
Sezoni i Operës së kosovës do të mbyllet këtë vit me shfaqjen e baletit “Arrëthyesi”, që do të mbahet më 15 dhe 16 dhjetor 2024 në AMC Hall./Katror.info
Përgatiti:
