Qendra Kinematografike Kosovare ka njoftuar se regjisori i mirënjohur kosovar dhe fituesi i shumë çmimeve ndërkombëtare, Samir Karahoda, ka filluar xhirimet për filmin e tij të ri të titulluar, “My godfather sent me an Iphone”. Filmi mbështetet nga Qendra Kinematografike e Kosoves dhe Televizioni Kulturor Europian ARTE.
“Filmi me titull pune “My godfather sent me an iphone” është tregim i rrënjosur thellë në përvojat dhe bisedat e përditshme të babait (Ylber Ballata) dhe djalit të tij 12-vjeçar (Miron Karahoda) si dhe eksporim prekës i lidhjeve familjare dhe kompleksitetit të zgjedhjes përballë ndryshimeve shoqërore.
Udhëtimi i tyre drejt aeroportit për të marrë një iPhone, dhuratë nga kumbari i djalit nga diaspora shndërrohet në një dialog të thellë mes tyre, ku trajtohet dilema e qëndrimit apo largimit nga vendlindja. Rrëfimi shpaloset nga ndikimi i emigrimit të miqve të tyre, gjë që e nxitë djalin të mendojë për të mirat që mund të ketë ikja nga Kosova.
Mundesh me e lexu edhe...
Në regji të filmbërësit dhe drejtorit të fotografisë të mirënjohur ndërkombëtarisht Samir Karahoda, filmi sjell një përzierje aktorësh profesionistë dhe joprofesionistë, duke përdorur një formë hibride tregimi, i cili po realizohet tërësisht në Kosovë.
Prodhuar nga SK Pictures, i njohur për filmat e njohur si “Në mes” (Berlinale 2019) dhe “Pa vend” (Cannes 2021, Sundance 2022 filmi më i mirë i shkurtër, i nominuar si filmi më i mirë i shkurtë Europian nga Akademia Europiane e Filmit në vitin 2022), filmi ka për producent Eroll Bilibani, organizatore Valmira Hyseni dhe montazheri Enis Saraçi”, thuhet në njoftimin e QKK-së./Katror.info
Përgatiti:
