Presidenti i BALFIN Group, Samir Mane, pas dhurimit të një donacioni për Fakultetin e Inxhinierisë Elektrike dhe Kompjuterike (FIEK) në Prishtinë, në një intervistë për Telegrafin, tha se do të ketë edhe donacione të tjera.
Mane ka thënë se ky donacion përfshinë 42 laptop për laboratorin më të madh të Fakultetit të Inxhinierisë Elektrike dhe Kompjuterike (FIEK).
Presidenti i BALFIN Group tha se edhe vjet kanë dhuruar një donacion për këtë fakultet.
Mundesh me e lexu edhe...
“Aq vend sa kishin aq dhe laptop dhuruam. Natyrisht nuk është ndihma e parë, pasi edhe vjet kemi bërë donacion të tillë. Pa dyshim që është një gjë modeste ndoshta. Ne i jemi gjetur fakultetit me një ndihmë e cila shpresoj shumë që do t’i vlejë për përmirësimin e mënyrës së mësimdhënies”, ka thënë Mane.
Ai ka treguar se sa janë të rëndësishme pajisjet e dhuruara për studentët.
“Janë të rëndësishme më shumë për t’i krijuar atyre kushtet njësoj si gjithë studentëve tjerë të Evropës. Pa dyshim pastaj nëse ato përdoren dhe si përdoren është tjetër gjë. Por, jam i sigurt që e rëndësishme është që le t’i krijojmë atyre kushtet logjistike që ata të kenë mundësinë të mësojnë njësoj si studentët në gjithë Evropën”, theksoi tutje Mane.
Mande potencoi se do të ketë donacione në të ardhmen, jo vetëm në këtë në këtë fakultet, por, dhe në drejtimet tjera.
“MANE Foundation është prezent në Kosovë. Padyshim dhe në vendet të gjitha vendeve ku ne punojmë, për përmirësimin e kushteve në çerdhe, në shkolla, e plotë – e plotë të tjera. Natyrisht edhe me këtë fakt ne do t’i vazhdojmë të gjitha bashkëpunimet për të financuar nevoja që do të kenë gjatë procesit të të zhvillimit tyre”.
“Pa dyshim që është një rrugë e gjatë. Unë vetë nuk e kam ëndërruar kurrë të jem sa një e një mijta e kësaj që kam, kështu që do t’i inkurajoja studentët të vazhdojnë, të mësojnë, e të kthehen në bankat e shkollës. Jam i sigurt se shkolla është një gjë e rëndësishme, jo më e rëndësishme, por pa dyshim një gjë e rëndësishme në raport me zhvillimin e njeriut dhe jam i sigurt që një pjesë e studentëve që takova sot, pa dyshim që do të jenë njësoj si mua”, tha ndër të tjera presidenti i BALFIN Group, Samir Mane.
Ndryshe, ideja e donacionit lidhet me nismën e Grupit BALFIN (pjesë e të cilit grup është Neptun Kosova Sh.p.k.) në kuadër të projekteve të përgjegjshmërisë sociale.
Këto pajisje do të ndihmojnë studentët që të ndjekin me lehtësi orët praktike dhe realizimin e projekteve studimor./Telegrafi/Katror.info
Përgatiti:
