Një peticion satirik, që synon në mënyrë të dukshme të mbledhë një trilion dollarë për t’i mundësuar Danimarkës të blejë Kaliforninë, ka marrë më shumë se 200,000 nënshkrime.
“A ju ka ra me shiku hartën e me mendu: ‘A di se çka i duhet Danimarkës? Më shumë diell, palma dhe patina me rrota.’ Epo, tash e kemi një mundësi që ndodh veç një herë në jetë për ta bërë atë ëndërr realitet,” thuhet në peticion, shkruan CNN, përcjell Katror.info.
“Le ta blejmë Kaliforninë nga Donald Trump! Po, e dëgjuat mirë. Kalifornia mund të jetë e jona dhe na duhet ndihma juaj për ta realizuar këtë.”
Mundesh me e lexu edhe…
Peticioni vjen pasi presidenti amerikan shprehu sërish interes për të kontrolluar Grenlandën, që është një territor gjysmë-autonom danez.
Peticioni paraqet disa arsye pse Danimarka do të përfitonte nga blerja e supozuar e Kalifornisë, duke përfshirë motin e mirë, një furnizim të sigurt me avokado dhe dominimin teknologjik.
“Me pas një grup Të fitojmë një tufë të re djemsh të teknologjisë? Super! Është pikërisht ajo që i duhet çdo demokracie!”,” thuhet në peticion, duke shtuar se Danimarka do të mund të “mbrojë botën e lirë” dhe të riemërojë Disneyland-in si “Hans Christian Andersenland.”
“Mickey Mouse me një helmetë vikinge? Po, ju lutem,” shtohet më tej.
E vetmja gjë që mbetet është të arrihet objektivi i mbledhjes së fondeve prej 1 trilion dollarësh, “me një diferencë prej disa miliardësh,” dhe të dërgohen “negociatorët tanë më të mirë – ekzekutivët e Lego-s dhe aktorët e serialit Borgen.”
“Kalifornia do të bëhet Danimarka e Re. Los Angeles? Më shumë si Løs Ångeles,” vazhdon peticioni.
“Do të sjellim hygge në Hollywood, korsitë e biçikletave në Beverly Hills dhe smørrebrød organik në çdo cep të rrugës. Sundimi i ligjit, kujdesi shëndetësor universal dhe politika e bazuar në fakte mund të aplikohen.”
Trump, i cili mori detyrën më 20 janar, e ka përshkruar kontrollin amerikan mbi Grenlandën si një “domosdoshmëri absolute.”
Zyrtarët në Grenlandë dhe Danimarkë janë shprehur fuqishëm kundër dëshirës së Trump-it për të marrë ishullin – megjithëse disa zyrtarë danezë i kanë thënë CNN-it se kanë frikë se presidenti tani është më serioz për këtë ide sesa kur e hodhi për herë të parë gjatë mandatit të tij të parë.
Pavarësisht këtyre kundërshtimeve, debati mbi të ardhmen e Grenlandës është ndezur nga spekulimet në rritje mbi lëvizjen e saj për pavarësi.
Në fjalimin e tij për Vitin e Ri, kryeministri i Grenlandës tha se ishulli duhet të çlirohet nga “prangat e kolonializmit” – megjithëse fjalimi nuk përmendi Shtetet e Bashkuara./Katror.info
Përgatiti:
