Bendi i famshëm Sazi’so, që bon muzikë të bukur nga jugu i Shqipnisë, me 26 prill, ka koncert në Prishtinë,
“Pse s’po i dhuroni vetes një pushim nga karavani i pafund i çmendunisë moderne me shpejtësi të lartë, me pushu shpirtin me muzikë të inspirume nga Shqipëria Jugore.” – Ry Cooder
Samba braziliane, xhazi i New Orleansit, soni kubanez – dhe Sazeja shqiptare! Fillimi i shekullit të kalum ka pru migrime masive drejt qyteteve të botës, me njerëzit nga katunet që morën me vete muzikën e tyre, t’u i përshtatë traditat në rrethana të reja dhe instrumente moderne. Prej tona formave të njohuna muzikore, arabeskat magjepsëse, vallet e gëzushme dhe vajtimet prekëse të Sazes mbeten ndër më pak të njohuna jashtë Shqipërisë.
Mundesh me e lexu edhe…
Shtëpija botuse ‘Glitterbeat’ osht krenare që publikon albumin “Të paktën më tund shaminë: Gëzimet dhe dhimbjet e kangës së Shqipnisë Jugore” nga Saz’iso, një grup muzikantësh virtuozë dhe kangëtarësh legjendarë, mbledhun nga producenti i njohur Joe Boyd (Pink Floyd, Nick Drake, Cubanismo, Songhai) dhe bashkëproducentët e tij, Edit Pula dhe Andrea Goertler, e prodhume nga inxhinieri fitues i Grammyt, Jerry Boys (Buena Vista Social Club, Ali Farka Touré, Orchestra Baobab).
“Shumë moti kisha kureshtje për muzikën shqiptare. Në vitin 1988 pashë një video të kontrabandume nga Festivali Folklorik i Gjirokastrës, por kasetat cilësore ishin të rralla. Kur ma në fund e vizitova vendin në vitin 2014, u magjepsa nga Shqipnia dhe muzika e saj. Aty lindi ideja për Saziso.” – Joe Boyd
Çelsi që ia hapi derën shqiptare Joe Boydit ishte bashkëpunimi mes etnomuzikologes/producentes Lucy Durán dhe artistes shqiptare Edit Pula në vitin 2011 për një seri emisionesh mbi muzikën shqiptare për BBC Radio 3 “World Routes”. Në vitin 2014, Joe u bashku me Lucyn në një party në Shqipëri, ku u taku me Edit Pulën dhe mikeshën e saj Andrea Goertler, avokate të zjarrta të muzikës tradicionale, dhe kështu u kriju ideja për këtë projekt muzikor. Andrra u kthye në realitet.
“Kujtimi ma i bukur nga udhëtimi im muzikor në Shqipëri në vitin 2011 ishte takimi me Sazen. Zani i mrekullueshëm, kaq shprehës, plot dhimbje dhe gëzim, më preku meniherë. Saziso m’kthen drejt e në peizazhin e egër e të bukur të Shqipërisë Jugore dhe ma kujton historinë e saj të trazume.” – Lucy Durán
Albumi u incizu në tetor 2016 në Akademinë e Filmit Marubi në Tiranë, nga Jerry Boys, i cili e ktheu sallën e kinoprojektimit në studio. Gjithçka u realizu drejtpërdrejt, pa overdub.
Ky album shënon një moment historik për muzikën e Sazes, tu e ndjekë gjurmët e mjeshtërve të maparshëm dhe t’u e paraqit’ atë me një cilësi tingulli të paprecedentë.
Saz’iso janë: Donika Pecallari, vokal Adrianna Thanou, vokal Robert Tralo, vokal Aurel Qirjo, violinë & vokal Telando Feto, klarinetë Agron Murat, llautë Agron Nasi, dajre Pëllumb Meta, fyell & vokal
Producentë: Joe Boyd, Edit Pula & Andrea Goertler; Inxhinier regjistrimi: Jerry Boys.
Marrë nga Suzzane Podcast.
Përgatiti:
