Sekretari amerikan i Thesarit, ka sqaruar para mediave vendimin e fundit të presidentit të SHBA-së.
Scott Bessent i drejtoi një mesazh “çdo vendi në botë” që dëshiron të negociojë – “jemi të gatshëm t’ju dëgjojmë”.
“Do të ulim tarifat bazë në 10 për qind për ata”, shtoi ai.
Mundesh me e lexu edhe…
“Dhe për Kinën do të ngrihen në 125 për shkak të këmbënguljes së tyre për të përshkallëzuar situatën”, deklaroi zyrtari amerikan.
Kjo kthesë e papritur e Trumpit vjen më pak se 24 orë pasi hynë në fuqi tarifa të reja të larta për importet nga dhjetëra partnerë tregtarë.
Sekretari i Thesarit të SHBA-së, Scott Bessent, theksoi se vendet që nuk ndërmorën masa hakmarrëse ndaj tarifave të mëparshme të SHBA-së do të shpërblehen, raporton Business Insider.
Ndërsa Bessent, për ekonominë vendore shprehet se është e qëndrueshme.
“Kompanitë me të cilat kam folur … CEO-t që kanë ardhur në Thesar, më thonë se ekonomia është shumë solide. Ne morëm shifra shumë të mira të vendeve të punës të premten e kaluar. Mendoj se jemi në gjendje mjaft të mirë,” shtoi ai në deklaratë për media.
Ndryshe, presidenti amerikan kishte përfshirë në tarifa edhe Kosovën, gjegjësisht e kishte ‘dënuar’ me 10 për qind. /Katror.info
Përgatiti:
