Seriali “Peaky Blinders” do të ketë një sezon të ri dhe xhirimet duhet të fillojnë këtë verë.
Sezoni i ri do të zhvillohet në vitin 1950 dhe drejtuesit e BBC shpresojnë ta transmetojnë atë vitin e ardhshëm për të ndërtuar mbi interesin e ripërtërirë që pritet pas publikimit të “Peaky Blinders: The Immortal Man”, sipas Sun.
Sezoni i gjashtë përfundoi në vitet 1930 dhe filmi zhvillohet gjatë Luftës së Dytë Botërore, kështu që sezoni tjetër do të zhvillohet disa vite më parë.
Mundesh me e lexu edhe…
Episodet e reja pritet të vazhdojnë në vitet 1950, kohën e bandave të dhunshme Teddy Boy dhe ngritjen e binjakëve famëkeq Kray në Londër.
Një burim nga rrjeti televiziv i tha The Sun: “Sezoni i gjashtë duhej të ishte i fundit dhe filmi duhej ta përfundonte historinë”.
Krijuesi i serialit Steven Knight nuk mundi t’i rezistonte rikthimit dhe ka kohë që lë të kuptohet se dëshiron të bëjë më shumë.
Tani BBC e ka miratuar zyrtarisht projektin dhe para-prodhimi është duke u zhvilluar.
Xhirimet pritet të fillojnë në shtator dhe do të transmetohen në BBC 1 në Mbretërinë e Bashkuar, ndërsa filmi do të shpërndahet më pas ndërkombëtarisht nëpërmjet Netflix.
Seriali “Peaky Blinders” u transmetua fillimisht nga viti 2013 deri në vitin 2022, duke ndjekur familjen Shelby nga viti 1919 deri në vitet 1920 dhe 1930.
Cillian Murphy, i cili luan në filmin e ri, mund të rikthehet për sezonin e ri si Thomas Shelby. /Katror.info
Përgatiti:
