Baseli dhe Copenhageni kanë barazuar në ndeshjen e parë të plejofit të Ligës së Konferencës të mërkurën mbrëma dhe gjithçka do të vendoset në ndeshjen kthyese.
Për skuadrën helvetike realizoi Xherdan Shaqiri. Shaqiri ishte i saktë nga pika e bardhë në minutën e 14-të.
Në minutën e tretë të shtesës në pjesën e parë, Copenhageni i barazoi shifrat. Për skuadrën daneze realizoi Gabriel Pereira.
Mundesh me e lexu edhe…
Baseli nga minuta e 82-të mbeti pa mbrojtësin Jonas Adjetey, që u përjashtua nga loja pas kartonit të dytë të verdhë.
Copenhageni e shënoi një tjetër gol tre minuta para fundit me Andreas Cornelius, por u anulua për pozitë jashtë loje. Copenhageni e eliminoi Dritën në rrethin e dytë kualifikues të Championsit, me rezultatin e përgjithshëm 3:0.
Përveç Shaqirit që e kompletoi ndeshjen, titullar ishte edhe Albian Ajeti. Ai luajti deri në minutën e 68-të, shkruan Koha.net. Mesfushori Dion Kacuri ishte në bankën rezervë./Katror.info
