Një trajtim ‘revolucionar’ për fazat e hershme të sëmundjes Alzheimer u miratua nga Administrata e Ushqimit dhe Barnave e SHBA-së.
Donanemab funksionon duke pastruar proteinën amiloide që grumbullohet në trurin e personave me Alzheimer. Testimet tregojnë se ky ilaç mund të ngadalësojë rënien e aftësive njohëse, por nuk mund ta ndalojë sëmundjen.
Ai është ilaçi i tretë i këtij lloji që miratohet në SHBA, megjithatë, rregullatorët në Mbretërinë e Bashkuar vendosën të mos e bëjnë të disponueshëm përmes Shërbimit Kombëtar të Shëndetësisë, duke përmendur ‘koston e lartë’ të tij.
Mundesh me e lexu edhe…
Ndërkohë, trajtimi i kolesterolit të lartë dhe përmirësimi i shikimit të dobësuar u shtuan në listën e ndryshimeve të stilit të jetesës që mund të reduktojnë rrezikun e zhvillimit të dementisë.
Një studim i veçantë tregoi se vaksinimi kundër herpesit zoster mund të ndihmojë gjithashtu në vonimin e shfaqjes së sëmundjes.
Kjo ndodhi ndërsa mijëra njerëz filluan testimet përmes analizave të gjakut për diagnostikimin e dementcës, që ekspertët thonë se mund të revolucionarizojnë mënyrën se si trajtohet sëmundja.
“Ndjehet sikur jemi në prag të një kapitulli të ri në trajtimin e demencës,” tha Fiona Carragher, drejtoreshë e kërkimeve në Shoqatën e Alzheimerit. /Katror.info
Përgatiti:
