Agjencia e Statistikave të Kosovës (ASK) ka publikuar statistikat mujore të hotelerisë për muajin shkurt 2025, duke shënuar një rritje të lehtë në numrin e përgjithshëm të vizitorëve në krahasim me të njëjtën periudhë të vitit të kaluar.
Sipas ASK-së, në shkurt të këtij viti u regjistruan gjithsej 51 795 vizitorë në hotelet e Kosovës, nga të cilët 46,3% ishin vendorë, ndërsa 53,6% të huaj. Kjo paraqet një rritje prej 3,3% krahasuar me shkurtin e vitit 2024, kur numri i vizitorëve ishte 50 134.
Edhe numri i net-qëndrimeve ka qenë i lartë, duke arritur në 112 495, me ndarje të barabartë mes vizitorëve vendorë (50,4%) dhe të huaj (49,5%).
Mundesh me e lexu edhe...
Rajoni i Pejës kryeson me më së shumti vizitorë vendorë
Rajoni i Pejës ka pasur numrin më të madh të vizitorëve të brendshëm, me 8 564 vizitorë dhe 26 215 net-qëndrime, duke e bërë këtë zonë më të frekuentuarën nga qytetarët vendas.
Vizitorët e huaj më së shumti nga Shqipëria, Turqia dhe Gjermania
Në anën tjetër, numri i vizitorëve të huaj ka shënuar një rënie të lehtë prej 0,1% krahasuar me shkurtin e vitit të kaluar, duke arritur në 27 769 vizitorë. Shtetet prej nga kanë ardhur më së shumti vizitorë të huaj janë: Shqipëria, Turqia, Gjermania dhe Zvicra.
Përgatiti:
