Në Vjenë, profesoresha universitare, Shpresa Mulliqi është shpërblyer me çmimin ‘Kampioni i Gjinisë’ nga OSBE, përcjell KultPlus.
Ky vlerësim vjen për kontributin dhe përkushtimin e saj personal në mbrojtjen dhe fuqizimin e të drejtat e grave.
Çmimi Kampioni i Gjinisë iu dorëzua Shpresa Mulliqit, Zyrtare Kombëtare e Ndërgjegjësimit për Sigurinë Publike në Misionin në Kosovë, e cila u nominua nga kolegët për të qenë një forcë transformuese në promovimin e barazisë gjinore dhe përfshirjes sociale përmes përkushtimit të saj në ngritjen e kapaciteteve për Shoqatën e Grave në Policinë e Kosovës dhe Asociacionin e Grave në Agjencinë Korrektuese të Kosovës, thuhet në njoftimin e OSBE-së.
Mundesh me e lexu edhe…
Sekretarja e Përgjithshme e OSBE-së, Helga Maria Schmid, vlerësoi arritjet e jashtëzakonshme të stafit të OSBE-së në avancimin e barazisë gjinore dhe fuqizimin e grave në Organizatë në ceremoninë e pestë të ndarjes së çmimeve të mbajtur në Këshillin e Përhershëm të OSBE-së në Vjenë.
“Si organizata më e madhe rajonale e sigurisë në botë, OSBE është një lojtar kyç në avancimin e barazisë gjinore dhe promovimin e të drejtave të grave. Ne jemi të përkushtuar për të fuqizuar gratë dhe për të çrrënjosur të gjitha format e dhunës. Shpreh mirënjohjen time për stafin tonë të përkushtuar dhe pasionant, shtytësit e vërtetë të këtij progresi”, tha Sekretari i Përgjithshëm Schmid.
Krahas Shpresa Mulliqit, dy anëtarë të stafit dhe një projekt morën Çmimin e Kampionëve Gjinorë të OSBE-së./Katror.info
Përgatiti:
