Shqipëria do të prezantojë potencialet turistike në Panairin Ndërkombëtar “Fitur” në Madrid, i cili nis nga sot dhe përfundon në 26 janar, shkruan Albanian Post.
Kryeministri Edi Rama, përmes një postimi në rrjetet sociale, informon për pjesëmarrjen e Shqipërisë në FITUR Madrid, një prej panaireve gjigante të turizmit në botë, me fokus në tregun spanjoll dhe atë latin.
“Prej vizitorëve që po shtohen vit pas viti, që nis sot për të prezantuar emocione e përvoja të reja që vendi ynë ofron”, thekson kryeministri Rama.
Mundesh me e lexu edhe…
Nën sloganin “Albania, all senses”, Shqipëria synon të tërheqjen e vizitorëve përmes shembullit të praktikave pozitive e të qëndrueshme në turizëm që promovojnë destinacione të turizmit natyror, prodhuesit lokalë, traditat e lashta, produktet artizanale e mikpritjen shpirtërore.
Ministrja e Turizmit dhe Mjedisit, Mirela Kumbaro tha se “edhe këtë janar, Shqipëria turistike e nis vitin me pjesëmarrjen në panairin gjigant të turizmit “Fitur” në Madrid me pjesëmarrjen e 152 shteteve dhe më shumë se 9000 ekspozuesve”.
“Vendi ynë qëndron krenarisht si një prej destinacioneve më atraktive në Europë , ku gjatë vitit të fundit ka pasur një rritje të ndjeshme jo vetëm të vizitorëve nga Spanja, por edhe të atyre nga vendet e Amerikës së Jugut”, tha Kumbaro.
Shqipëria mori pjesë edhe vitin e kaluar në panairin “Fitur” në Madrid, ku tërhoqi në stendën e saj mijëra vizitorë, të cilët treguan interes për të vizituar vendin tonë.
Vitin e kaluar Shqipëria u vizitua nga 11,7 milionë vizitorë të huaj.
Rimëkëmbja e Shqipërisë në turizëm është vlerësuar dhe promovuar fort edhe nga Organizata Botërore e Turizmit duke e përzgjedhur vendin tonë disa herë si qendër të ngjarjeve dhe vëmendjes së industrisë globale të udhëtimeve dhe duke e bërë Shqipërinë kryesuese të Barometrit të Turizmit./Katror.info
Përgatiti:
