Shumë besojnë se ky është vendi më romantik në botë – këtu ndodhet “Rruga e Dashurisë”, një dhuratë natyrale ku deti puth qiellin!
Shpesh nuk është e lehtë për ne t’i pëshpëritim fjalët “Të dua” një personi të dashur, të hapim shpirtin dhe t’i lëmë emocionet të shpërthejnë.
Por ka vende në botë ku emocionet shpërthejnë – vende ku dashuria ndihet në ajër, ndërsa romanca na kujton se për dashurinë jemi gati të kthejmë të gjithë botën përmbys.
Mundesh me e lexu edhe…
Pikërisht një vend i tillë është Via dell’Amore, domethënë “Rruga e dashurisë”, një shteg ecjeje 121 km që gjarpëron nëpër pesë fshatrat italiane që përbëjnë Cinque Terre, një zonë e mbrojtur nga UNESCO, transmeton Telegrafi.
Rruga apo shtegu i dashurisë u mbyll pas një rrëshqitjeje dheu në vitin 2012, por pas një rinovimi të gjatë, pjesa e parë u rihap për vizitorët deri më deri më 30 shtator. I gjithë shtegu do të rihapet në korrik 2024.
Ky vend quhet nga shumë peizazhi më romantik në botë, sepse të ecësh përgjatë shtegut që përqafon detin me një pamje hyjnore të blusë që shkrihet me qiellin, është vërtet diçka e mahnitshme. Perëndimi i diellit këtu është një spektakël i vërtetë dhe na kujton se sa të rëndësishme janë gjërat e vogla të përditshme në jetë, dhe në fakt gjërat e mëdha, si dhe sa mirënjohës duhet të jemi që Dielli rilind çdo ditë.
Në rrugën e dashurisë, ka një vend ku çiftet varin drynat me emra dhe mesazhe dashurie, në mënyrë që romanca e tyre të zgjasë përgjithmonë dhe të mbrohet nga çdo gjë që nuk është dashuri. Ka vende të shënuara me statuja puthjeje dhe besojmë se në “rrugën e dashurisë” kanë ndodhur disa nga historitë më të bukura romantike, propozimet, puthjet e para e ndoshta edhe këngët e dashurisë.
Kjo zonë është nën mbrojtje dhe është e rëndësishme ta mbrosh atë nga një numër i madh turistësh dhe në “Rrugën e Dashurisë” tashmë mund të aksesohet vetëm me një udhërrëfyes me një hyrje që kushton rreth 5 euro.
Ka pika kontrolli përgjatë rrugës për këmbësorët për të blerë një kartë për ecje të mëtejshme, e cila ju lejon të përdorni ambientet e parkut (7,50 € për një ditë dhe 14,50 € për dy ditë). Ju gjithashtu mund të blini një kartë që ju jep akses në shtigjet e ecjes dhe udhëtim të pakufizuar me tren përgjatë itinerarit. Çmimi është 18.20 euro për një ditë, 33 euro për dy ditë dhe 47 euro për tre ditë. /Katror.info
Përgatiti:
