Po e nisim ditën me një histori frymëzuese e sidomos për studentët të cilët të gjendur nëpër vende të ndryshme të botës përballen me shumë sfida.
Ermal Sadiku, themeluesi i kompanisë LinkPlus, një ndër kompanitë më të suksesshme në Kosovë që sot punon për kompanitë më të mëdha botërore, ka rrëfyer një histori që për shumë kënd mund të jetë frymëzuese.
Nga një shtet i vogël siç është Kosova, ku shpresat për të ardhmen nuk ishin shumë frytdhënëse, Ermal Sadiku, një student me pasion për teknologjinë, mori rrugën për Gjermani, në një vend ku shpresonte që do të merrte mësimet adekuate dhe të bënte ndryshimin fillimisht në jetën e tij dhe pastaj në jetën e të tjerëve.
Mundesh me e lexu edhe...
Për studentët që janë larguar nga vendi i tyre dhe përballen me sfida të mëdha, historia që ka rrëfyer Ermal Sadiku, është një frymëzim i madh. Ai tregon se me pasion, përkushtim dhe besim në veten, mund të arrish shumë. Dhe sa herë që studentët ndihen të pashpresë përpara sfidave, ata mund të marrin frymë nga historia e Ermalit dhe të besojnë në fuqinë e tyre për të ndryshuar botën dhe për të arritur suksesin, pa marrë parasysh nga vijnë dhe kush janë në ato momente.
“Ende me kujtohet momenti kur i leshova valixhet ne dhomen e vogel te konviktit ne Gjermani. Nje rrugice e ngushte ne Goldgasse 31, mu prane hekurudhes. Perzierje e emocioneve mes trishtimit edhe ngazellimit. Me dukej se ende nuk me kishte leshuar perqafimi i nanes 12 ore me pare ne aeroportin e Prishtines”, shprehet Sadiku.
“Pas kisha lane familjen, dashnine, shoqnine, punen, banesen, veturen e te gjitha per nje dhome 6 metra kator te rrethuar me kater mure e asgje tjeter.
Ne nje vend te ftofet, pa askend e pa asgje me te vetmen ide qe te mesoj dicka me shume se qe kisha mundesi te mesoja ne Kosove.
Qyteti i pare qe pata vizituar, pikerisht ne Nentor te atij viti ishte Baden Baden. Jo pershkak te banjove te vjetra romake apo kazinos se njohur por sepse ishte qyteti me i afert nga Universiteti.
Nje nga gjerat qe mbaj mend ne BadenBaden ishte Hoteli Brenners. Hotel elegant ku cdo detaj pasqyronte perfeksion. Arkitektura, parku perrth, drunjet, veturat e parkuara, veshja e stafit. Si student, te vetmin mendim qe kisha … kush jane ata qe vizitojne kete hotel? Cfare bejne ata? Pse kane kaq fat ata?
Tash, me daten 16 Nentor, saktesisht 16 vite pas ketyre mendimeve, do te jam musafir ne po kete hotel. Ne konferencen e bizneseve familjare te Baden Wurttembergut.
Me kane ftu te prezentoj industrine e ICT se Kosoves dhe sukseset tona para me shume se 200 CEOve te bizneseve gjermane.
Konference kjo ku asnjehere me pare nuk eshte ftu nje person i jashtem as te merr pjese si musafir.
Sa kisha dasht me taku at Ermalin e para 16 viteve, qe e kishte kthy koken kah hoteli edhe mendonte Kush Jana Ata, Kush Jane Ata.
Me ia ngrit pak koken larte e me i thane … mos u ndal, Je Ti, Je ti edhe krejt ata si ti”, shkruan Sadiku në rrjetin e tij social Facebook. /Katror.info
Përgatiti:
