Shqiptarja e suksesshme në fushën e inteligjencës artificiale, Mira Murati dhe ish-shefja e teknologjisë në OpenAI, e cila ishte edhe figurë kyçe në këtë kompani, tani po mbledh fonde nga sipërmarrës për startup-in e saj të ri të inteligjencës artificiale, me të cilën synon të ndërtojë produkte të teknologjisë së re.
Murati kaloi mbi gjashtë vjet në OpenAI duke udhëhequr projekte transformuese si ChatGPT dhe DALL-E.
ChatGPT u bë tejet i njohur që kur u lansua, por për ju që ende nuk jeni të njohur me funksionimin e tij, ne përmes kësaj video t’ua shpjegojmë se çfarë është ChatGPT, si funksionon dhe si mund ta përdorni për ta lehtësuar jetën dhe punën tuaj.
Mundesh me e lexu edhe…
ChatGPT është një model i inteligjencës artificiale i zhvilluar nga kompania OpenAI, i cili përdoret si aplikacion duke e shkarkuar atë në telefonin tuaj, me një llogari falas ju mund të merrni përgjigje nga temat më të ndryshme.
Ai ofron përgjigje dhe shpjegime nga navigimet e shpejta që ky sistem bën nga miliona të dhëna, artikuj apo libra të publikuara në interneti. ChatGPT mund të përdoret për detyra të ndryshme shkollore, redaktime, për të shkruar e-maile profesionale, raporte, ide për marketing, për të kërkuar informacione shkencore, përkthime përfshirë korrigjimet gramatikore dhe stilistike, e shumë të tjera.
Por, në mënyrë që Chat GPT të kryej një detyre siç ju kërkoni, fillimisht duhet të jepni kontekstin specifik, pra informacione të detajuara se çfarë saktësisht ju intereson të dini apo çfarë dëshironi që Chat GPT të krijojë për ju.
– Mund theksoni se çfarë informacioni duhet të përjashtojë ai.
– Ju mund të zgjidhni se si duhet të tingëllojë të shkruarit dhe stili i tij.
– Në mënyrë që Chat GPT ta ‘’kuptojë’’ më mirë se si dëshironi të merrni përgjigjen, jepni shembuj paraprakisht.
-Përfshini gjatësinë e përgjigjeve tuaja (p.sh. mund t’i kërkoni që përgjigjja apo shkrimi të jetë nën 280 karaktere).
-Kërkoni të shtoni emoji apo ta thjeshtësoni një tekst.
-Specifikoni formatin e përgjigjes.
Në rast se kërkesa juaj është e gjerë brenda një teksti, kërkoni që ai t’i renditë informacionet apo përshkrimin duke i treguar se çfarë dëshironi të ketë në fillim të tekstit, çfarë të ndërfut në mes dhe si ta përfundojë tekstin.
Këto janë vetëm disa mënyra se si ta përdorni këtë inteligjencë artificiale, ndërsa duke e përdorur, do ta kuptoni edhe më mirë se si ky model mund t’ua lehtësojë jetën dhe punën tuaj. /Katror.info
Përgatiti:
