Libraritë e hapura në shtëpi janë një thesar i vërtetë për çdo lexues, por për shkak të letrës, librat tërheqin shumë pluhur, i cili me kalimin e kohës mund t’u japë një erë të pakëndshme dhe të rëndë.
Për këtë arsye, është e domosdoshme që libraritë të pastrohen rregullisht për të ruajtur gjendjen e librave dhe për të shmangur dëmtimet, përcjell TAR.
Librat përtej njohurive që na sjellin, janë edhe kujtime të çmuara — qofshin botime të rralla, dhurata personale apo libra të përdorur shpesh — ndaj kërkojnë vëmendje dhe kujdes të veçantë.
Mundesh me e lexu edhe…
Ekspertët rekomandojnë disa mënyra të sigurta për të pastruar njollat dhe për të mbajtur librat të freskët dhe të pastër:
Pastrimi i njollave yndyrore
Vendosni një letër thithëse poshtë faqes së njollosur dhe një tjetër sipër. Më pas kaloni me kujdes hekurin në temperaturë të ulët mbi letrën e sipërme për të thithur yndyrën. Këshilla: Përdorni hekur pa avull dhe shmangni nxehtësinë e lartë.
Pastrimi i njollave nga pluhuri dhe papastërtitë
Lagni lehtë një pambuk ose sfungjer me peroksid hidrogjeni të holluar dhe fshini me kujdes njollën, duke u siguruar që faqe të mos laget tepër.
Heqja e njollave ngjyrash
Përdorni të njëjtën teknikë me peroksid hidrogjeni të holluar dhe aplikoni me shkop pambuku vetëm mbi njollë, duke vendosur gjithmonë letër thithëse poshtë faqes për mbrojtje.
Largimi i mykut nga kapakët
Përzieni hidroksid natriumi me amoniak dhe aplikoni me doreza në zonën me myk në një ambient të mirëventiluar. Pas pastrimit, fshini me ujë të distiluar dhe lëreni të thahet mirë. Kujdes i veçantë, sepse myku është i dëmshëm për shëndetin.
Neutralizimi i erës së pakëndshme
Vendosni toptha pambuku me pak kamfor midis librave për të larguar aromën e vjetër dhe për të mbrojtur letrat nga insektet.
Sipas specialistëve, librat duhet të ruhen në ambient me lagështirë relative 40-50% dhe temperaturë konstante 18-20°C për të shmangur dëmtimet nga tharja ose myku.
Një këshillë e rëndësishme është që çdo metodë pastrimi të testohet më parë në një pjesë të vogël dhe jo të dukshme të librit për të shmangur dëmtime të mëtejshme.
Për librat me vlerë të lartë ose të rrallë, rekomandohet konsultimi me ekspertë restaurues për ndërhyrje profesionale. /Katror.info
Përgatiti:
