Stina e verës sjell pushime të merituara, por edhe një shqetësim për ata që kanë bimë në shtëpi: si t’i mbajnë të gjalla dhe të freskëta gjatë mungesës?
Nëse planifikoni të mungoni 7 deri në 10 ditë, këto këshilla të thjeshta do t’ju ndihmojnë që bimët të mbijetojnë pa ujitje të përditshme.
1. Zhvendosni bimët nga drita direkte
Sa më shumë dritë marrin bimët, aq më shumë ujë u nevojitet. Për ta ngadalësuar këtë proces:
Mundesh me e lexu edhe…
- Vendosini larg dritareve dhe burimeve të dritës direkte.
- Ulni roletat ose tërhiqni perdet për të reduktuar ekspozimin, por mos e errësoni dhomën plotësisht.
Këshillë: Nëse një bimë ujitet zakonisht çdo 7 ditë, por ju do të mungoni dy javë, vendoseni në një vend më të freskët dhe më pak të ndriçuar për të zgjatur kohën mes dy ujitjeve.
2. Ulni temperaturën e ambientit
Nëse përdorni kondicioner me programim, caktojeni që të freskojë dhomën ku ndodhen bimët për disa minuta çdo ditë. Kjo do të ngadalësojë avullimin e ujit nga dheu dhe vazot.
3. Ujiteni mirë para nisjes
Nëse do të mungoni më pak se një javë:
- Ujiteni çdo bimë në mënyrë të bollshme para largimit.
- Sigurohuni që uji i tepërt të kullojë, për të shmangur kalbjen e rrënjëve.
Sukulentët dhe kaktuset përballojnë lehtë mungesën e ujit për një javë ose më shumë.
4. Ruani lagështinë me materiale të lagura
Për mungesa më të gjata:
- Mbulojeni sipërfaqen e dheut me gazeta të lagura ose një copë të lagur.
- Kjo ndihmon në ruajtjen e lagështisë në tokë për më shumë ditë.
5. “Vërini në gjumë” para pushimeve
Për të ulur nevojën për ujë:
- Ndaloni plehërimin disa javë para nisjes.
- Krasitini pak dhe hiqni gjethet e thata.
- Nëse kanë sytha ose lule, mund t’i këpusni për të ndalur procesin e rritjes dhe harxhimin e ujit.
Këto masa të thjeshta do t’ju ndihmojnë të ktheheni nga pushimet dhe t’i gjeni bimët tuaja po aq të gjalla sa kur u larguat. /Katror.info
Përgatiti:
