Kontrolli i diabetit është një sfidë e vazhdueshme madje edhe në kushtet e verës, kur për shkak të temperaturave të larta të ajrit, mund të ketë rënie ose ngritje të glukozës. Qëndrimi më i gjatë në diell pa mbrojtje adekuate mund të rrisë nivelet e sheqerit në gjak për shkak të reduktimit të aktivitetit fizik.
Është e mundur që në mot të ngrohtë të ketë një përthithje më të shpejtë të insulinës dhe një rrezik në rritje të hipoglikemisë (rënie të sheqerit). Shoqata e Diabetit nga Britania e Madhe këshillon kontroll më të shpeshtë të niveleve të sheqerit në kushtet e verës dhe përshtatjen e dozave të insulinës me vaktet.
Nëse planifikojmë një aktivitet fizik, si për shembull noti, rekomandohet të konsumojmë pak më shumë karbohidrate përpara aktivitetit. Është e nevojshme të matni paraprakisht nivelin e glukozës dhe në rast të vlerave të ulëta merrni një meze të lehtë. Këshilla është që personat me diabet të kenë gjithmonë në dorë disa ëmbëlsira në dorë.
Mundesh me e lexu edhe...
Mbani matësin e sheqerit dhe shiritat e testit larg diellit. Temperaturat ekstreme mund të ndikojnë në pajisjet. Insulina duhet të ruhet afërsisht në temperaturën e dhomës, deri në 25 gradë dhe jashtë rrezeve direkte të diellit. Në rast se përdorim sensor, këshilla është që gjatë ndërrimit të pajisjes, sensori i ri të vendoset në një pjesë të pastër të lëkurës në të cilën nuk është aplikuar asnjë krem. Sensori vendoset në lëkurë të pastër, e njëjta gjë vlen edhe për pompën e insulinës dhe rekomandohet që gjatë verës të ndërrohet më shpesh rezervuari i pompës për shkak të ngrohjes së insulinës.
Këshilla është që njerëzit të qëndrojnë në hije dhe të mbrojnë pajisjen në mënyrë që insulina të mos nxehet. Nëse niveli i sheqerit është më i lartë pa ndonjë arsye të dukshme, është e mundur që nxehtësia të ketë dëmtuar insulinën.
Pacientët në terapi me insulinë duhet ta ruajnë me kujdes ilaçin. Në ditët e nxehta të verës, është mirë të mbani insulinën në frigorifer, nëse jeni në lëvizje, mbani me vete insulinën në një qese më të freskët. Këshilla është të ruani flakonet e insulinës të pahapura në një temperaturë ndërmjet dy dhe tetë gradë Celsius.
Insulina e hapur që ne përdorim aktualisht ruhet në një temperaturë deri në 25 gradë Celsius deri në katër javë, larg dritës së diellit dhe elementeve ngrohëse. Insulina e ekspozuar ndaj rrezeve të forta të diellit mund të marrë një ngjyrë kafe. Djersitja e shtuar është e pashmangshme gjatë verës, pavarësisht nëse jemi fizikisht aktivë apo thjesht ulur. Në këto kushte, të gjithë kanë nevojë për zëvendësim shtesë të lëngjeve. Personat që trajtohen për diabetin duhet të mbajnë me vete shishe uji dhe të pinë vazhdimisht lëngje.
Dehidratimi rrit rrezikun e sindromës hiperglicemike hiperosmolare, një gjendje e rëndë që mund të çojë në goditje në tru ose sulm në zemër në rastet më të rënda. Dehidrimi është gjithashtu një faktor rreziku për zhvillimin e ketoacidozës diabetike. Kontrolli i mirë i diabetit është i mundur edhe me veshjet e duhura. Kur është 30 gradë në hije, rekomandohet të vishni veshje të lirshme me mëngë të gjata, kapele dhe syze dielli. Gjithashtu është e nevojshme mbrojtja e organizmit me kremra të përshtatshëm kundër rrezatimit UV që aplikohen 15 deri në 30 minuta para ekspozimit në diell dhe më pas çdo dy orë nëse qëndrojmë jashtë, si dhe mbrojtja e këmbëve dhe shputave.
Personat me diabet nuk duhet të ecin zbathur mbi rërë të nxehtë ose beton. Rritja e aktivitetit fizik siguron ndjeshmëri më të madhe ndaj insulinës dhe parandalon zhvillimin e sëmundjeve të zemrës dhe hipertensionit. Aktiviteti fizik shtesë ngre humorin, ul nivelin e stresit psikologjik, por mund të ndikojë edhe në nivelin e sheqerit në gjak./Katror.info
Përgatiti:
