Astronomja kosovare, Pranvera Hyseni ka prezantuar sot sistemin Diellor, i cili u sigurua për Observatorin dhe Planetariumin Kombëtar të Kosovës.
Sipas njoftimit të saj në rrjetet sociale, secili planet ka 1-metër madhësi, ndërsa këtë ajo e realizoi falë bashkëpuntorëve të saj.
“Një falenderim i përzemërt për Katherine Troche për Diellin, Sarah Silva për Merkurin, Ben Hauck për Venerën, Julian David Stone për Tokën, Abbas Mokhtarzadeh për Marsin, Stephen W. Ramsden për Jupiterin, James Wehner për Saturnin, Kevin Kawai për Neptunin, Globen, Gina dhe Alex për Uranin, Erik Benner për Plutonin”, ka shkruar ajo në Facebook.
Mundesh me e lexu edhe…
Ndërsa ka shtuar se ky planetarium shërben si frymëzim i mendjeve që të eksplorojnë universin së bashku në Observatorin dhe Planetariumin Kombëtar të Kosovë.
“Jemi thellësisht mirënjohës për secilin prej tyre që u angazhuan pa hezitim. Presim me padurim të përjetësojmë emrat dhe fytyrat e tyre, të ekspozuara përgjithmonë në korridoret e observatorit tonë, si dëshmi e kontributit te tyre të madh për përpjekjen tonë kozmike. Le të vazhdojmë të frymëzojmë mendjet dhe të eksplorojmë universin së bashku në Observatorin dhe Planetariumin Kombëtar të Kosovës!“, ka shtuar ajo.
Astronomja kosovare Pranvera Hyseni, e cila ka studiuar doktoraturën në Astronomi Planetare në Universitetin e Kalifornisë në Santa Cruz të SHBA-së, ka sjellue edhe një teleskopi diellor në Kosovë, dizajnuar për vëzhgimin e Diellit, pasi përfshin filtra specifikë që bllokojnë rrezet e dëmshme dhe mundësojnë një shikim të sigurt të yllit më të madh.
Teleskopi, i instaluar në observatorin e ri në Shtime, sipas saj është një nga më të mëdhenjtë në Gadishullin Ballkanik, si dhe pritet të jetë një shtesë e rëndësishme për komunitetin shkencor dhe edukativ të rajonit. /Katror.info
Përgatiti:
