Kori Siparantum ka artësuar edhe njëherë emrin e Kosovës. Kësaj radhe në Bangkok te Tajlandës. Ansambli koral ka fituar medaljen e artë në kategorinë, “Mixed Adult Choir”, duke u renditur i dyti midis katër koreve me 86,15 pikë. Kjo kategori është fituar nga kori “Medan Community” nga Indonezia.
“Siparantum” së bashku me këtë kor qe kualifikuar në garën për “Grand Prix”. Por, Çmimi i Madh u fitua nga kori PSM-ITB” nga Indonezia.
E “Siparantum” është vlerësuar edhe me Çmimin Special për rrëfim mbresëlënës. Juria ka vlerësuar se Kori nga Kosova gëzon shkathtësi të jashtëzakonshme me shpalosjen e rrëfimeve.
Mundesh me e lexu edhe…
Kori nga Kosova në edicionin e dytë te Festivalit Ndërkombëtar të Koreve në Tajlandë është paraqitur me veprën “Amor io fallo” të Jan van der Roost dhe “Pakëz në ëndërr dhe pakës në zhgjëndërr” të Baki Jasharit./KOHA/Katror.info
