Skiatorja italiane, e cila garon për ngjyrat e flamuri shqiptar, Lara Colturi, i ka premtuar të gjithë sportdashësve se ajo do të jetë e gatshme të bëjë gjithçka për Shqipërinë dhe se nuk do të ndalet në sukseset e saja në botën e skive.
Kështu ka theksuar vetë skiatorja, në një intervistë për median zvicerane Le Chanton27, ku ka folur pas kualifikimit për në finalet e Botërorit të skive.
Colturi, e cila garon për Shqipërinë, do të jetë në finalet e kësaj jave në Saalbach të Austrisë, pasi arriti të renditej mes 25 më të mirave në Giant Slam në Are, Suedi.
Mundesh me e lexu edhe…
Lara do të garojë të dielën më 10 mars në Slalom dhe nëse do të renditet mes 25 më të mirave kualifikohet direkt për finalen e madhe edhe në këtë disiplinë.
”Më konsiderojnë një legjendë të re, por unë ende jam shumë e vogël. Po, natyrisht, jam shumë e lumtur për sukseset e fundit në garat me karakter ndërkombëtar”, ka thënë fillimisht ajo.
Më tej, Colturi ka premtuar se nuk do të ndalet dhe do të vijojë të ngrejë nivelin e saj në pistën e bardhë.
“Unë, perspektivën e kam përpara, meqë jam ende e re. Çka do ta dëshmojë veten, dhe do të bëjë maksimumin për vendin që përfaqësoj. Do të bëj gjithçka që Shqipërinë të prezantohet denjësisht në arenën ndërkombëtare”, theksoi ajo.
Nga ana tjetër, me fjalë të mëdha ka folur edhe Elvis Toçi, presidenti i Federatës Shqiptare të Skive.
Sipas Toçit, nuk ka asnjë arsye pse Lara nuk mund ta bëjë krenare Shqipërinë me punën e saj.
“Nëse Xhaka dhe Shaqiri me flamur të Zvicrës na bëjnë krenar, pse Lara të mos na bëjë krenar neve me flamurin e Shqipërisë?! Jemi krenar se sot kemi dy Lara që flasin shqip ne kupën e botës!”, përmendi ai./Katror.info
Përgatiti:
