Skiatorja Lara Colturi u rendit e 11 në finalen e Kupës së Botës të mbajtur këtë të diel në Saalbach të Austrisë.
Elvis Toçi, presidenti i federatës së skive tha për Euronews Albania se kjo është një arritje shumë e madhe për Shqipërinë, pas e fut atë në listën e më të mirëve të botës.
I pyetur se si shkoi performaca, Toçi tha se në garën e parë Colturi nuk i përmbushi pritshmëritë, por në garën e dytë ajo arriti të renditej e treta në renditjen e përgjithshme duke bërë që Shqipëria të merrte vendin e 11 në Kupën e Botës.
Mundesh me e lexu edhe...
“Performanca e Shqipërisë ishte e shkëlqyer. Gara e parë nuk arriti të kishte performancën e nevojshme, megjithatë në garën e dytë ne arritëm një nivel të jashtëzakonshëm. U rendit e treta në renditjen e përgjithshme, kjo bëri që ne të renditemi në vendin e 11. Për Shqipërinë tonë, është një arritje e jashtëzakonshme për një vend kaq të vogël.
Presidenti i federatës,Toçi foli edhe për pritshmëritë që kanë për vitin e ardhshëm, ku tha se pretendon që Lara Colturi ta përfaqësoj edhe më mirë Shqipërinë.
“Sot u mbyll sezoni, vitin tjetër Lara hyn në kupën e botës më mature. Pretendojmë që Lara të jetë në top ten, ndryshe nga objektivi që kishim këtë vit për të arritur në 30 më të mirët e botës në ski,-tha presidenti i federatës së skive. /Katror.info
Përgatiti:
