Reperi amerikan, Snoop Dogg, do të punojë si korrespondent special në Lojërat Olimpike 2024 që do të zhvillohen në Paris për kompaninë televizive, NBC.
Ai do t’i ndjekë garat, por do të luajë edhe rolin e turistit që viziton kryeqytetin, raporton Marca.
Çfarë do të bëjë Snoop Dogg në Paris 2024?
Mundesh me e lexu edhe…
Reperi do të punojë për NBC si korrespondent special i Lojërave dhe do të japë këndvështrimin e tij për atë që po ndodh në Paris, do t’i shohë vendet antike të qytetit, do të marrë pjesë në garat dhe do të takojë sportistët, së bashku me miqtë dhe familjet e tyre.
Në një video të publikuar të dielën, këngëtari i këngës së famshme “Young, Wild and Free” bisedon me atletë amerikanë si gjimnasti Suni Lee apo patinatori Jagger Eaton, pa hezituar të bëjë shaka dhe të përdorë gjuhën e folur.
Snoop Dogg ka qenë tashmë në Lojërat Olimpike të Tokios
Ky njoftim nuk është domosdoshmërisht një surprizë, pasi Snoop Dogg bëri debutimin e tij si konsulent olimpik gjatë Lojërave të Tokios të mbajtura në 2021, me komente dhe vëzhgime që janë bërë ikonë.
Në një video të postuar të hënën në llogarinë X të artistit, dikur në Twitter, për vitin e ri, ai shihet duke kërcyer para Kullës Eifel nën muzikë rap, duke dhënë një shije të lëvizjeve të tij të kërcimit në TV nga 26 korriku./Katror.info
Përgatiti:
