Sonte nis zyrtarisht edicioni i parë i Festivalit të Këngës në Radio Televizionin e Kosovës.
I cilësuar si festë më shumë sesa garë, ngjarja do të nisë në RTK duke filluar nga ora 21:00, ndërkaq para kësaj kohe në tapet të kuq do të priten mysafirët dhe publiku që do të jenë dëshmitarë të institucionalizimit të këtij Festivali. Publiku duhet të jetë prezent në sallë më së voni deri në ora 20:30.
Pas orës 23:00 pritet të fillojë transmetimi i programit “Post Festival”, i cili vjen për dy netët e para të festivalit dhe ditën e diel në një termin tjetër televiziv si komentim i ngjarjes në formë paneli, raporton RTK Live.
Mundesh me e lexu edhe...
Përveç në RTK1, RTK2, Radio Kosova 1, ngjarja do të transmetohet edhe në uebfaqen rtklive.com, e cila është e qasshme edhe jashtë kufijve të Kosovës.
Gjithashtu Festivali i Këngës do të transmetohet edhe në Radio Televizionin Shqiptar dhe Radio Televizionin e Maqedonisë së Veriut, në kanalin 2. /Katror.info
Përgatiti:
