Marigona Qerkezi është sopranoja shqiptare që po korr sukses në skenat botërore. Ajo së fundmi ka interpretuar në Spanjë rolin e Elvirës të Giuseppe Verdit dhe është vlerësuar pafund. Madje, ka pushtuar edhe faqet e para të gazetave spanjolle.
Në një intervistë për televizionin shqiptar ABC News, Marigona Qerkezi ka treguar të gjitha emocionet e kësaj shfaqje, të cilat i ndjen tani kur gjithë vrulli ka mbaruar. Sakaq, ajo ka treguar se si është i erdhi ftesa nga produksionin spanjoll.
“U gjenda jashtëzakonisht mirë, veçanërisht me kolegët aty që i takova për herë të parë aty. Bëmë më shumë se një muaj përgatitje, prova. Edhe pavarësisht që rolin e kisha interpretuar më parë, kësaj radhe ishte një lexim i ri nga maestro Daniele, me të cilin patëm një kimi shumë të mirë dhe shfaqjet shkuam shumë mirë. Gjithashtu edhe me regjisoren Georgia.”
Mundesh me e lexu edhe…
Ajo thotë se nganjëherë kur mbarojnë projektet, artisti lë një copë të tij aty dhe pastaj i sheh me nostalgji.
“Më duket e pabesueshme se koha ecën shpejt dhe ti je në atë vrullin e provave. Ti nuk e kupton se je në vrullin e punës, por tani që i shoh ndjehem shumë mirë. Unë kam qenë e kontaktuar direkt për të qenë pjesë e këtij produksioni. Ka qenë një periudhë shumë e mirë, sepse në atë kohë agjenta ime ishte e lirë dhe vendosëm bashkë me menaxherin tim ta pranojmë si mundësi”, u shpreh ndër të tjera Qerkezi.
Marigona është me prejardhje nga Kosova, e lindur në Zagreb dhe e shkolluar në Lubjanë. Ajo rrjedh nga një familje artistësh.
“Kam lindur në Zagreb, ndërsa në Lubjanë e fillova klasën e parë të shkollës fillore, nëna ime ishte soliste në Teatrin Kombëtar Slloven, ndërsa babai im punonte në atelenë e kostumeve në të njëjtin teatër. Hapat e parë të shkollës së muzikës i fillova në shkollën e muzikës “Blagoje Bersa” për flaut, tek prof. Vesna Zornjak në Zagreb”, pat thënë ajo në një intervistë të mëhershme për media.
Si e vogël kishte tipare të zërit kumbues dhe me kalimin e kohës, po ngjitej drejt skenave si fëmijë.
“Pikërisht në Lubjanë në moshën 6-vjeçare këndova për herë të parë para një publiku goxha të madh. Çdoherë e kujtoj atë performancë të veçantë dhe plot gëzim. Ndërkohë në vitin 2015, në Royal Opera House në Muscat debutova me rolin e Mbretëreshës së natës në operën “Flauti magjik” nga Mozarti, tregon ajo.
Marigona si soprano në skenat operistike tani numëron tetë vjet eksperiencë. Ajo e përkufizon këtë përvojë si një rrugëtim artistik, multi-dimensional dhe shumë dinamik. /Katror.info
Përgatiti:
