Një shfaqje e mrekullueshme e talentit dhe zërit të mrekullueshëm të sopranos Zana Abazi-Ramadani pritet të bëjë për vete publikun në përmbyllje të koncertit të datës 15 shtator ku njëkohësisht Zana shënon debutimin e saj në Hamburg të Gjermanisë në Festivalin Ndërkombëtar “International Mendelssohn”.
Ky debut emocionues për artisten, do të ndodhë në një nga vendet më të njohura të muzikës klasike dhe padyshim që është një moment i veçantë për të pasi do të ndajë zërin e saj me një audiencë të gjerë.
“Shumë e lumtur, e nderuar dhe e privilegjuar që do të përmbyllë koncertin e datës 15.09.2023 (E premte) dhe me këtë rast të debutoj në Hamburg të Gjermanisë, në festivalin e njohur ndërkombëtarisht “International Mendelssohn Festival”!
Mundesh me e lexu edhe…
Falenderime të përzemërta për miken time dhe sopranon tonë të mirënjohur Elbenita Kajtazi dhe Camille Lemonnier për rekomandimet dhe ndërmjetësimin.
Falënderime për drejtuesin e festivalit Prof.Niklas Schmidt dhe udhëheqësin e orkestrit kameral që do të më shoqëroj në këtë koncert Prof. Clemens Malich për ftesën, vlerësimin, besimin dhe bashkëpunimin”, shkruan Abazi-Ramadani.
Festivali “International Mendelssohn” është një ngjarje prestigjioze në botën e muzikës klasike dhe është një platformë e rëndësishme për artistët e rinj dhe të konsoliduar të muzikës klasike për të treguar aftësitë e tyre./Katror.info
Përgatiti:
