E përditësuar, 10:30
As për të shtatën herë nuk u arrit që të konstitutohet Kuvendi i Kosovës. Propozimi i Vetevendosjes për kandidaten Albulena Haxhiu si kryetare nuk mori votat e mjaftueshme. 57 deputetë votuan për, 41 kundër dhe 3 abstenuan. Kryesues i seancës së Kuvendit, Avni Dehari e ndërpreu seancën duke paralajmëruar vazhdimin e saj pas 48 orësh, më 29 prill në orën 10:00.
***
Mundesh me e lexu edhe…
Sot (e diel) nga ora 10:00 pritet të vazhdojë seanca e shtatë për konstituimin e legjislaturës së nëntë të Kuvendit të Kosovës.
Të premtën për herë të gjashtë nuk u arrit konstituimi i Kuvendit të Kosovës.
Që nga 15 prilli deputetët e zgjedhur nuk po arrijnë të konstituojnë legjislaturën e nëntë të dalë nga zgjedhjet e 9 shkurtit.
Ngërçi është shkaktuar te propozimi i Lëvizjes Vetëvendosje për kryeparlamentar. Partia fituese ka propozuar Albulena Haxhiu, por në katër votime deri tash ajo ka marrë nga 57 vota. Partitë e opozitës së katër vjetëve të shkuara kanë kërkuar ndryshim të kandidatit, ndërsa Lidhja Demokratike ka thënë se nuk e voton askënd.
Në 48 orët e fundit, partitë nuk kanë paraqitur ndryshim qëndrimesh publikisht.
Seanca konstituive është obligim të mbahet çdo 48 orë pas ndërprerjes. Rrjedhimisht deputetët po mblidhen qe shtatë herë, që prej 15 prillit (çdo dy ditë).
Kuvendi konsiderohet i konstituuar pas zgjedhjes së kryeparlamentarit dhe nënkryetarëve.
Para ngërçit te emri i kryeparlamentarit, fillimisht pati bllokadë në kalimin e raportit të komisionit për verifikim mandatesh./Katror.info
Përgatiti:
