Pas me shumë se dy vitesh, Shqipëria dhe Kosova po mbajnë mbledhjen e dytë të përbashkët mes dy kuvendeve.
Sot, në sallën e Kuvendit në Prishtinë pos deputetëve të Kosovës të pranishëm janë edhe ata të Shqipërisë.
Në këtë seancë fjalën e hapjes e mbajtën kryetarët e dy kuvendeve, Elisa Spiropali dhe Glauk Konjufca.
Mundesh me e lexu edhe…
Ndërkaq liderët e të dy vendeve theksuan rëndësinë e bashkëpunimit dhe adresimit të sfidave kombëtare.
Presidentja e Kosovës, Vjosa Osmani, bëri thirrje për thellimin e bashkëpunimit strategjik mes dy vendeve, duke theksuar rëndësinë e unitetit në një periudhë të trazuar globale. “Duhet të veprojmë së bashku për të përballuar sfidat me qëllim të përbashkët,” tha Osmani.
Kryeministri i Kosovës, Albin Kurti, kërkoi që ndarja e 4 milionë eurove për Luginën e Preshevës të shërbejë si model për Shqipërinë në përkrahjen e shqiptarëve jashtë kufijve. “Kjo ndihmë duhet të jetë shembull i unitetit tonë kombëtar,” theksoi Kurti.
Kryeministri i Shqipërisë, Edi Rama, kritikoi mosveprimin e Kuvendit të Shqipërisë lidhur me proceset në Hagë, duke e quajtur këtë një padrejtësi. Ai vlerësoi rolin e ish-presidentit Hashim Thaçi në historinë moderne të Kosovës, duke theksuar se “sotmja s’do të ishte e njëjtë pa të”.
Takimi mes kuvendeve është konsideruar moment i rëndësishëm për adresimin e çështjeve që lidhen me shqiptarët në rajon dhe bashkëpunimin ekonomik, politik dhe kulturor mes dy shteteve.
/Katror.info
Përgatiti:
