SpaceX ka fituar kontratën që do të ndihmonte në shkatërrimin e Stacionit Hapësinor Ndërkombëtar të NASA-s dhe kjo pritet të ndodhë më shpejtë se që është menduar më herët. E ndërtuar në vitin 1998, ISS u krijua në bashkëpunim me NASA, Roscosmos (Rusi), ESA (Evropë), JAXA (Japoni) dhe CSA (Kanada).
Që prej atëherë u ka mundësuar shkencëtarëve të kryejnë eksperimente që nuk mund të jenë kryer nga ndonjë vend tjetër që duke qëndruar rreth 300 kilometra mbi Tokë. Agjencia amerikane hapësinore e përshkroi ISS si një arritje të madhe që u ndihmoi të kryejnë hulumtime në hapësirë.
Por ky stacion nuk u ndërtua për të qëndruar përgjithmonë, ku jetëgjatësia e tij pritet të skadojë më 2030. NASA do ta lë ISS-in që t’i afrohet ngadalë Tokë, 18 muaj pasi operacionet në të të marrin fund. Më pas, një anije kozmike do të lidhet me ISS dhe do të përdorë shtytësit e saj për të çuar stacionin hapësinor drejt Tokës.
Mundesh me e lexu edhe...
SpaceX i Elon Musk ka siguruar kontratën prej 843,000,000 dollarësh për të kryer punët. Një version i modifikuar i fluturakes të SpaceX Dragon, që ka fuqi katër herë më të madhe sesa fluturakja e zakonshme Dragon do ta përfundojë punën e paraparë me kontratë, shkruan Top Albania Radio.
E një raketë Falcon Heavy pritet të lansohet nga qendra hapësinore Kennedy në Florida më 25 korrik të vitit 2028.
Rikujtojmë, se ish-inxhinieri i NASA-s dhe YouTuberi aktual Mark Rober po bën të mundur që kushdo të bëjë një ‘selfie’ me planetin Tokë në sfond, falë një sateliti që ai do të lëshojë me ndihmën e Google dhe T-Mobile.
Të interesuarit dërgojnë foton, e cila projektohet në ekranin e një celulari Google Pixel të ngulitur në satelit dhe më pas një aparat fotografik bën një foto të celularit në sfondin e Tokës siç shihet nga hapësira. Nëse ata tregojnë se ku jetojnë, sateliti do të bëjë ‘selfie’ mbi atë vend dhe Rober do t’i njoftojë ata për orën e saktë në mënyrë që ata të mund të dalin dhe t’i thonë ‘përshëndetje’ qiellit./Katror.info
Përgatiti:
