SpaceX realizoi me sukses lëshimin e 900-të të një sateliti Starlink për këtë vit, të shtunën në mëngjes, më 10 maj 2025, nga Cape Canaveral në Florida, raporton Katror.info.
Pavarësisht kushteve të pasigurta atmosferike, raketa Falcon 9 u nis në orën 02:28 të mëngjesit me kohën lokale, duke vendosur në orbitën e ulët 28 satelitë të rinj Starlink V2 Mini Optimized.
Ky ishte misioni i 91-të “Starlink 6” dhe lëshimi i 250-të i një rakete Falcon 9 nga kompleksi hapësinor SLC-40. Në total, ky ishte lëshimi i 38-të i Starlink për vitin 2025 dhe mbi 7,400 satelitë të tillë tashmë ndodhen në orbitë.
Mundesh me e lexu edhe…
Raketa e përdorur – një Falcon 9 me kodin 1083 – po fluturonte për herë të 11-të dhe më parë kishte kryer misione të rëndësishme si Crew-8 dhe Polaris Dawn.
Pas lëshimit, ajo u kthye dhe u ul me sukses në platformën detare “A Shortfall of Gravitas”, duke shënuar uljen e 444-t të një ‘booster’-i dhe të 108-ën në këtë platformë specifike./Katror.info
Fairing deployment confirmed. Today’s mission marks our first 30th flight of a fairing half! pic.twitter.com/hX98iKHZAr— SpaceX (@SpaceX) May 10, 2025
