Emocionet e Ligës së Kampionëve, garës më të fortë evropiane të futbollit, rikthehen këtë mesjavë me përballje të zjarrta në kuadër të çerekfinaleve. Elita e futbollit kontinental ka hyrë në fazën më vendimtare të turneut, ku çdo ndeshje pritet të jetë një spektakël më vete.
Mbrëmja e sotme sjell dy super-ndeshje që premtojnë dramë dhe emocione deri në sekondat e fundit. Arsenal pret në “Emirates” gjigandët e Real Madridit, në një përballje që përball vullnetin e të rinjve me përvojën e kampionëve spanjollë. Ndërkohë, në “Allianz Arena”, Bayern Munich do të përballet me Interin – dy skuadra me histori të lavdishme në këtë kompeticion.
Spektakli vazhdon të mërkurën, me dy duele po aq emocionuese. Barcelona do të presë Borussia Dortmundin në “Camp Nou”, në një përballje të dy skuadrave që njihen për stilin sulmues dhe talentin e rinisë. Ndërsa në “Parc des Princes”, PSG do të masë forcat me befasinë e këtij edicioni, Aston Villën, që ka befasuar shumë me paraqitjet e saj deri në këtë fazë.
Mundesh me e lexu edhe...
Të gjitha ndeshjet e çerekfinaleve do të luhen në orën 21:00 dhe pritet të jenë një festë e vërtetë futbolli për të gjithë adhuruesit e këtij sporti.
Çerekfinalet e Ligës së Kampionëve:
- Arsenal – Real Madrid
- Bayern Munich – Inter
- Barcelona – Borussia Dortmund
- PSG – Aston Villa
/Katror.info
Përgatiti:
