Valve thuhet se ka filluar të ndalojë lojërat e Steam që kanë përmbajtje të krijuar nga AI, përveç nëse zhvilluesit ofrojnë prova se ata zotërojnë të drejtat për AI që i ka krijuar ato.
Në një postim në Reddit, i vërejtur nga veterani i industrisë së lojrave, Simon Carless, zhvilluesi përshkroi dërgimin e një versioni të hershëm të lojës në Steam me disa asete “të krijuara mjaft qartë nga AI” që ata thanë se planifikojnë t’i përmirësojnë manualisht në krijimin e mëvonshëm.
Në përgjigje, atyre iu tha se loja nuk mund të miratohej nëse zhvilluesi nuk i vërtetonte Valve se ata zotëron të gjitha të drejtat e nevojshme, shkruan Katror.info.
This Valve/Steam AI is wild. Whatever your stance on using AI assets it's a messy issue because:
1) How is Valve assessing game assets? Are they running screenshots through an AI checker? Is a human involved (unlikely knowing Valve prefers algos)?
2) What about false positives?🧵
— Jake Birkett – Veteran Indie (@GreyAlien) June 29, 2023“Pas shqyrtimit, ne kemi identifikuar pronën intelektuale në lojë që duket se i përket një ose më shumë palëve të treta,” tha Valve.
“Në mënyrë të veçantë, loja përmban animacione të krijuara nga inteligjenca artificiale që duket se mbështeten në materiale të mbrojtura nga të drejtat e autorit në pronësi të palëve të treta.
“Duke pasur parasysh që pronësia ligjore e një përmbajtjeje të tillë të krijuar nga AI është e paqartë, ne nuk mund ta ofrojmë lojën tuaj ndërkohë që ajo përmban ato asete të krijuara nga AI, përveç nëse mund të konfirmoni se zotëroni të drejtat për të gjithë IP-në e përdorur në grupin e të dhënave që trajnoi AI për të krijuar asete në lojën tuaj”. thonë nga Valve.
Zhvilluesi tha se ata më pas i përmirësonin manualisht asetet e përmendura “në mënyrë që të mos kishte më shenja të dukshme të inteligjencës artificiale”, por pas ridorëzimit të lojës ajo u refuzua përsëri.
“Ne nuk mund të dërgojmë lojëra për të cilat zhvilluesi nuk ka të gjitha të drejtat e nevojshme,” tha Valve. “Aktualisht ne po refuzojmë të shpërndajmë lojën tuaj sepse është e paqartë nëse teknologjia themelore e AI e përdorur për krijimin e aseteve ka të drejta të mjaftueshme për të dhënat e trajnimit”, theksuan ata pas përpjekjes së dytë të autorit të lojës.
Ashtu si profesionistët në fusha të tjera krijuese, një numër në rritje i zhvilluesve po përdorin inteligjencën artificiale për të krijuar lojërat e tyre. Por miratimi i shpejtë i mjeteve gjeneruese të AI të trajnuar mbi animacionet e krijuara nga njeriu, të nxjerra nga ueb-i, ka ngritur çështje të të drejtave të autorit që nuk ekzistonin më parë. /Katror.info
Përgatiti:
