Sugjerimet e Suzanne Podcast për javën e dytë të shkurtit – dashuri, pavarësi e kulturë

Shkurti osht muaj i dashnisë, pavarësisë dhe kulturës, me një kallabllak ngjarjesh të krejt shprehjeve të ndryshme artistike, prej muzikës, teatrit, baletit, muraleve, tipografisë – gjithçka!

Shkurti osht i shkurtë, ama lista e ngjarjeve kulturore osht e gjatë kësaj javë! Ka muzikë t’mirë rock nga Jericho, elektronikë nga kolektivi Kissmet që po sjellin DJ çiftin Craigie Knowes, Danielle, pastaj Greenlight Collective si duo Uran B dhe Armirin. Një festival premtus ka m’u organizu edhe në Brezovicën me borë i qujtun ‘Mirage Festival’ me dy ditë muzikë me performues Anna Tur, Joezi the plot tjerë. Kolektivi Delirio sjell zbavitje, muzikë dhe show dritash për Shën Valentin.

Edhe artet vizuele janë mirë të përfaqësume këtë javë me ekspozitë të artistit kontemporan Driton Selmanit në Tillt (vendin e Strellës), masnej keni një zbulim murali masiv me muzikë t’mirë në vend publik, organizume nga Sekhmet. Radio kolektivi ‘Kolektiv’ osht ka bo një festival me plot punëtori (tipografi, murale, tekstil, etj), shfaqje filmash dhe koncert nga bendi post-punk industrial ‘Ludwig Ludwig’. E nëse doni diçka pak ma klasike, shkoni në Tiranë pë balet/patinazh me shfaqjen e njoftun, super të bukur të ‘Liqenit të Mjellmave’.

A ju thamë që çka s’ka!

Me dëgju: Koncert nga ‘Jericho’ / Pallati i Rinisë, Prishtinë

Kush s’e njeh Jericho? Rock grupi kosovar osht themelu koxha moti, ka tash mbi 30 vjet, ama hala cepin, hala prodhojnë muzikë t’mirë, gjithmonë me inovacion n’muzikë dhe tekste, shpesh inspirume prej metallit, soundit shqiptar apo edhe muzikës spirituale. Me 15 shkurt, për nder të Ditës së Pavarsisë, kanë me performu në Pallatin e Rinisë, në ora 21, nën organizimin e Rave Travel.

Me kcy: Party për Pavarësi nga ‘Kissmet’ / Zone Club, Prishtinë

Craigie Knowes osht një duo muzikore nga Skocia, e njohun për bashkimin e elementeve kryesisht të muzikës house. Anëtarët e çiftit kanë koxha një sens me kriju tinguj ritmikë dhe melodikë që tërheqin adhuruesit e zhanrit nëpër festivale n’krej botën. Po vijnë në Zone me 16 shkurt me festu Pavarsinë me neve, e llajnapi e përfshin edhe Danielle prej Bristolit, kolektivin Lighthouse prej Kroacisë. organizatorët (kolektivi Kissmet) kanë mendu edhe për after, ku kanë me performu DJ-të e njoftun venali Armir dhe Uran B.

Me kcy: Mirage Festival / Brezovicë

Skijimi e bora e adrenalina dimnore koxha shkojnë me muzikë t’çartë edhe po na vjen mirë me rekomandu ma n’fund një festival në Brezovicë. Fjala osht për Mirage Fest, që po mbahet me 15 e 16 shkurt. Edhe këtu ka llajnap interesant, me që po vjen prej Ibizës së nxehtë në malet e ftofta të Sharrit. Joezi osht një tjetër emën i madh francez i muzikës afro-house. Dy skena jon bo gati për ditën dhe natën (Narcis dhe Panorama), DJ’a ka edhe prej Kosovës (tung Mimi!) edhe Shqipnisë, edhe krejt tripi po doket koxhsa propozim atraktiv për këtë javë…

Me pa: Ekspozita ‘Red Hot Flag’ e Driton Selmani / Tillt, Prishtinë

Tillti osht radio stacion, ama osht edhe bar, ama osht edhe mini-galeri arti ku gjith sheh diçka fresh. Këto ditë mundeni me pa ekspozitën e Driton Selmanit, artistit të njoftun kosovar. Sipas udhërrefyesit narativ “kjo ekspozitë zbulon një koncept pune që rimagjinon ndërveprimin midis zanit, identitetit dhe rezistencës. Në thelbin e ekspozitës ndodhet bashkëpunimi i Selmanit me një rrobaqepës, ku qëndisma bohët një metodë e rrëfimit të historive—fijet e qëndisura me precizitet, tu lidhë histori, trupa dhe ide.” Super po doket, shkoni me i këqyr!

M’u inspiru: Zbulimi i muralit të ‘Project Space Sekhmet’ / Prishtinë

Prishtina koxha e ka të zhvillume skenën e grafitti dhe muraleve, plot të tilla zbukurojnë qoshet e ndërtesave dhe sjellin paparishikushmëri dhe pak thymje kreative prej lloqit, pluhnit dhe kaosit vizuel. Hapsina kreative Sekhmet ju ftojnë me e nda me juve muralin e tyne ma t’ri n’Project Space Sekhmet. E krijume prej Hanë Hazirit, ky mural e bjen n’jetë Sekhmet si “përfaqësim i fuqisë e feminitetit t’paturpshëm.” Zbulimi i muralit bohet më 12 shkurt 2025, prej 19:00, me pa muralin në Project Space Sekhmet, e organizatorët ju ftojnë me i taku artistët edhe me festu Sekhmet bashkë!

Me këqyr: Premiera e shfaqjes ‘Vojçeku’ / Teatri Hadi Shehu, Gjakovë

Qe një premierë intriguse teatrale, prodhume prej një kombinimi të vendalive dhe ndërkombëtarëve. Fjala osht për “Woyzeck”, një dramë e njoftun, e shkrume nga Georg Büchner që në Gjakovë vjen me regji nga Zana Hoxha, e cila eksploron tema si mjerimi dhe çmendunia. Në adaptimin e Jack Thorne (një prej dramaturgëve anglez ma të inskenum momentalisht), “historia vendoset në një realitet të dhimbshëm dhe brutal ku kufijtë midis dëshpërimit, dashnisë dhe çmendunisë, zhduken.” Historia përqendrohet te Woyzeck, një ushtar i varfun, dhe vështirësitë e tij në jetën e përditshme, ama që projekton to tema koxhsa universale.

Me kcy (e me dashuru): Party për Shën Valentin / AMC Hall, Prishtinë

Për kolektivin Delirio kemi shkrujt edhe ma heret. Janë eksperta të partyve me skenografi të larmishme, ndriçim mahnitës edhe muzikë eksplozive. Për Ditën e Dashnisë me 14 shkurt po vijnë edhe me një event, kështu që lirisht pritni shumë shigjeta të Cupidit, lightshow vizëllus, edhe zbavitje maksimale.

Me përjetu: Shfaqje baleti mbi akull ‘Liqeni i Mjellmave’ / Pallati i Kongreseve, Tiranë

Edhe një ngjarje për Shën Valentin, kësaj rradhe në Tiranë. Më 14 shkurt 2025, Pallati i Kongreseve në Tiranë ka një shfaqje (dy termine) të jashtëzakonshme, që bashkon artin, muzikën dhe mjeshtërinë e patinazhit. “Liqeni i Mjellmave,” e kompozuar nga mjeshtri i madh Pjotr Iljiç Çajkovski, vjen në një interpretim të veçantë mbi akull, tu kriju një përvojë mahnitëse për krejt moshat. Rrëfimin nashta e dini, një histori dashnie me plot dramë, të sjellë me elegancë nga artistë të talentuar të baletit dhe patinazhit. Spectapolis osht e njoftun për ngjarje mirë t’bome, kështu që ja vlen me kalu momente të dashnisë tu kqyr Mjellmat e njoftuna…

Me marrë pjesë: Festivali i arteve ‘Kolektiv Action’ / Prishtinë

Dhe krejt ne fund për kah rendi, por jo për nga randësia, po ju sjellim një festival tepër interesant me plot do punëtori që nuk bohën shpesh, prej turli fushave të artit, prej tufting me tekstil, murale duo tipografi, radio prodhim, shfaqje filmash, etj. Festivali Kolektiv Action mbahet gjatë gjashtë ditëve të kësaj jave, edhe jemi ka kqyrim edhe na ku të kyçemi, n’qfarë punëtorie t’marrim pjesë. Me 15 osht edhe një koncert i post punk electro industrial bandit dy-anëtarësh Ludwig Ludwig.

Marrë nga Suzanne Podcast./Katror.info