Kosova po shkëlqen në Kampionatin Evropian Universitar për Sportet Luftarake të EUSA-s, që po mbahet në Varshavë, ku po marrin pjesë mbi 1,400 studentë nga 385 universitete të 32 shteteve evropiane, shkruan Katror.info.
Në disiplinën e karatesë, garueset tona kanë arritur rezultate mbresëlënëse:
Vlera Qerimi ka mposhtur studentet nga Britania e Madhe dhe Sllovakia, duke u kualifikuar për duelin vendimtar për medaljen e bronztë. Në ndeshjen e radhës, ajo do të përballet me studenten nga Kroacia.
Mundesh me e lexu edhe…
Behije Mustafa ka siguruar finalen e madhe pas fitoreve të njëpasnjëshme ndaj rivaleve nga Portugalia, Gjermania, Polonia dhe Britania e Madhe. Ajo do të garojë të hënën në finalen e karatesë kundër studentes nga Maqedonia e Veriut.
Kosova në këtë kampionat përfaqësohet nga katër garues në karate.
Në prag të garave, delegacioni kosovar u prit në Ambasadën e Republikës së Kosovës në Varshavë, ku u nderua me mikpritje nga Ambasadori Drilon Gashi dhe Konsulli Visar Rrecaj, të cilët shprehën mbështetjen e tyre për ekipin tonë kombëtar./Katror.info
