Festivali më i madh muzikor në Kosovë, Sunny Hill Festival, vjen këtë verë, nga 1 deri më 3 gusht 2025. Ky njoftim ka ngjallur entuziazëm te adhuruesit e muzikës, të cilët presin një tjetër edicion të paharrueshëm në Bërnicë të Poshtme, pas suksesit që pati vitin e kaluar.
“Përshëndetje, ju flet vera juaj. 01 – 03 Gusht është krejt për Sunny Hill Festival,” kanë shkruar organizatorët në faqen zyrtare të Sunny Hill festival në Facebook.
Edicioni i 2024-ës shënoi një moment historik për festivalin, pasi u mbajt për herë të parë në hapësirën e tij të re në Bërnicë, një vend që u transformua për të pritur mbi 100 mijë vizitorë. Bebe Rexha ishte një nga yjet kryesorë të vitit të kaluar, duke elektrizuar skenën me performancën e saj të parë në Kosovë, ndërsa artistë të njohur si DJ Regard, Dafina Zeqiri, Black Coffee dhe shumë të tjerë sollën një atmosferë unike.
Mundesh me e lexu edhe…
Festivali, i themeluar nga Dua Lipa dhe babai i saj, Dukagjin Lipa, është kthyer në një pikë referimi për skenën muzikore rajonale dhe ndërkombëtare. Përveç muzikës, Sunny Hill Festival vazhdon të mbështesë kauza sociale, siç ishte fushata “A flag for her”, që promovoi fuqizimin e grave në Kosovë.
Me datat e reja të shpallura, publiku është në pritje të listës së artistëve për këtë edicion. Ajo që dihet me siguri është se Sunny Hill 2025 do të sjellë sërish netë të paharrueshme në Prishtinë, duke e konfirmuar festivalin si një nga eventet më të mëdha muzikore në Evropën Juglindore./Katror.info
Përgatiti:
