Po shkon korriku, po vjen gushti, koha kur vera nuk ka nevojë m’u prezantu. Qielli rri hapun non stop, netët zgaten, e secili festival, koncert, performancë apo darkë duket si ftesë me e shiju jetën ma shumë. Osht java kur nashta hala s’e ke ble biletën, po je tu mendu ku me shku e qysh me ja bo. A me flejt te shoqnia në Prizren për Dokufest, a çka me vesh për Sunny Hill, m’u nis për Hapufest në Gjakovë për art në rrugë, apo mu kthy kah Tirana me provu diçka pak ma të pazakontë nga fermenteria TOKA dhe Destil Creative Hub?
Mundeni me kalu edhe një natë ma intime në PI me Laurën, ose diçka shumë ma galla te opera n’shesh e Rame Lahaj. E nëse jeni në mood ma kontemplativ, keni diskutim publik në Mitrovicë nga Indefinite Institute dhe një libër të mirë nga Iliriana Rama Allajbegu. E krejt në fund, kudo që të shkoni, qoftë edhe deri në market me ble akullore me shoqni, teshat e Fenity kanë me ju bo edhe juve t’ambla – si akullore 🙂
Këtë javë, Monday Marks ju sjell një listë që e përmbledh çka me pa, çka me dëgju, çka me lexu, qysh me u vesh, edhe ku me hangër e me kcy, qysh i ka hije gushtit në Kosovë e Shqipni. Qe ku e keni listën, lexoni, shpërndani, zgjedhni, tranohuni se vera o ka shkon si zalli n’sahatin e vjetër…
Mundesh me e lexu edhe…
Dokufest Festival / Prizren
Dokufesti, festivali i filmit dokumentar, qaq moti ja ka nisë, edhe qaq thellë i ka rranjët në pejsazhin kulturor të Kosovës, sa që ndoshta as që mundet mu paramendu vera pa Dokufest. Nuk mundet mu paramendu as kultura pa Dokufest. Sivjet osht edicion i 24-të dhe ivjet tema nuk osht optimiste. Sepse nuk jemi tu jetu në kohna optimiste dhe Dokufesti nëse bon diçka, atëherë osht reflektiv ndaj kohnave kur organizohet. Por titulli “Lakmi e pafund. Boshllëk mendor” jep një kornizë që synon jo nihilizmin po si “përpjekje për m’u përgjigjë, për m’i rezistu mpirjes, për me shpëtu gjuhën nga manipulimi. Përme këmbëngulë se akti i të tregumit, të dëgjumit dhe të qenit bashkë vazhdon m’u konë shumë i randësishëm.” Filmat janë të përthekum me temën, por festivali i ka edhe Dokunights për një balanc, ku sivjet për herë të parë performon Yll Limani live si dhe çifti Shkodra Elektronike, si dhe program dedikum fëmijve Dokukids. Prej 1 deri 9 gusht, festivali shtrihet në plot lokacione. Qe linku i programit. E qe edhe intervista jonë me themeluesin dhe kompasin e festivalin Veton Nurkollari.
Sunny Hill Festival / Prishtinë
“Krejt bota” e din që Dua Lipa osht e mahallës Bregu i Diellit, edhe tash krejt bota e din që “Sunny Hill” osht e Kosovës. Festivali i themelum nga Dua dhe baba i sạj Dukagjini osht profesional, i madh, me krejt tiparet e festivaleve të botës, e sivjet do të jetë edhe nikoqire e rradhës e vetë turneut global tepër të suksesshëm të Duas. Pritni lightshow magjepsës, sound që pushton ndjenjat, skena masive, performanca eksplozive, momente intime, me lineup që përpos Duas, përfshin Shawn Mendez, Fatboy Slim, Peggy Gou, për një udhëtim muzikor prej hiteve të njohuna për gjeneratën X dhe milenialët e deri te trendet tiktokiane të gjeneratave Z dhe Alpha. Festivali mbahet prej 1 deri 3 gusht, e qe ku e keni programin.
Hapufest / Prishtinë dhe Gjakovë
Hapufest osht festival inovativ i artit dhe performancave n’hapësina publike. Organizatorët janë Teatri ODA për të njëmbëdhjetën herë. Përveç Prishtinës, Hapufest “po hapet” edhe në Gjakovë, në bashkëpim me fondacionin “Për Gjakovën”. Sivjet mundeni my zhytë në lojën e artistave nga Franca, Gjermania e Portugalia të cilët me mjeshtërinë e tyre të jashtëzakonshme tentojnë m’i transformu hapësinat publike në hapësira artistike, të guximshme, kreative e shumë dimensionale, me cirk, me origami gjigante, me vallzime të inspirume nga dervishat e me muzikë. Programi shtrihet me 1 dhe 2 gusht në Gjakovë, e nga 2 deri më 5 gusht në Prishtinë.
Gala night operistike “Rame Lahaj & Friends” / Sheshi Skenderbeu, Prishtinë
Gala Night “Rame Lahaj & Friends” po rikthehet n’sheshin Skenderbeu më 2 gusht në zemër të Prishtinës, me një natë që sipas organizatoreve “premton emocione të paharrueshme, muzikë klasike të nivelit më të lartë dhe një atmosferë magjike nën qiellin e hapur.” Këtë vit, ngjarja osht pak ma e veçantë sepse festohet 5-vjetorii i “Rame Lahaj International Opera Festival”, një rrugëtim i ndërtum me dashni për operën dhe Kosovën. Sivjet, performojnë Nino Machaidze, soprano me origjinë nga Tbilisi, Gjeorgji, që njihet si njo nga zanat ma të shqum të skenës operistike ndërkombëtare; Dario Russo, një bas italian i vlerësum për zanin e tij të shkëlqym dhe fisnik dhe natyrisht ylli i festivalit Rame Lahaj, tenori i skenave botnore. Mbramja mbahet me 2 gusht, qe informatat rreth programit.
Me ndegju: Koncert i Laurës / PI bar, Prishtinë
E lindun n’Zvicër, po me zemër gjithmonë n’Prishtinë, Laura po vjen n’shpi.
Me zanin e saj që këndon indie, RnB, rock e pop, shqip e anglisht, koncerti i vockël dhe simpatik osht i përkrym për netë verore në kryeqytet. Mbramja muzikore mbahet me 31 korrik, e informatat i keni këtu.
Me diskutu: Ligjëratë Publike: “Aktivizmi Feminist dhe Arti Feminist” / 7Arte, Mitrovicë
Ligjërata e radhës prej Indefinite Institute ka mu zhvillu në Mitrovicë, më 31 Korrik, në ambientet e organizatës kulturore 7 Arte, tu e pru në qendër të ligjërimit historinë, zhvillimin, ndikimin dhe praktikat e aktivizmit feminist dhe artit feminist si forma të rezistencës dhe ndryshimit shoqëror, nga lëvizjet e para për të drejtat e grave deri tek format bashkëkohore të luftës për barazi gjinore dhe drejtësi sociale, nga artistet kryesore dhe veprat me më ndikim në artin feminist deri tek roli i artisteve feministe dhe mënyrat në të cilat arti shërben si një formë kreative e aktivizmit feminist. Ma shumë informata keni këtu.
Me hangër e me kcy: Cantina Latina / Destil Creative Hub, Tiranë
Qe një super kombinim: një pop-up kulinar i veçantë që premton m’i zgju të gjitha shqisat. Veç për një natë, Cantina Levantina bohet Latina, në një bashkëpunim të frymëzum në mes Toka Fermentary (turshitë ma t’mira n’Shqipni) dhe Destil. Së bashku, po e bojnë “një party plot jetë, me ushqim të llojllojshëm, fermentime të egra e të lira, dhe venaa natyrale që rrëfejnë histori.” Darka me plot ritëm dhe shije mbahet me 31 korrik, e këtu keni ma shumë info.
Me lexu: Romani “The Reunion” nga Iliriana Rama Allajbegu
Vera osht edhe për me lexu, e në një botë letrare ku gratë shpesh o dasht me folë me za të huj, Iliriana Rama Allajbegu vjen me një libër që osht krejtësisht i saj, i përbrendshëm, i mprehtë, e që osht përniherë edhe i butë e intim por edhe sfidues. Me një gjuhë që prek, e me një strukturë që shkon përtej formave klasike, Iliriana sjell tregime për fatet e ndërthuruna të katër shoqeve të fminisë, Besës, Arianës, Suzit dhe Fatimes, të cilave befas iu shkatërrohen andrrat dhe aspiratat nga lufta, por krejt të shkrume jo veq si kujtime personale, por edhe rrëfime kolektive. Për gratë që s’janë pyetë, për ndjenjat që s’kanë pasë vend në politikë, dhe për të vërtetat që kanë nevojë me u dëgju. Ajo që na la mbresa ma së shumti osht mënyra se si ky libër nuk mundohet me qenë “i rregullt”, qashtu e reflekton edhe shoqninë që nuk i përcjell rregullat, e për këtë arsye, libri i Ilirianës krejtësisht i domosdoshëm. Lexohet si rrëfim, si poezi, si thirrje. Librin e gjeni n’libraritë e qyteti.
Mu vesh: Fenity fashion
Plot brende kosovare tashmë janë bo globale me modë t’fokusume në darsma dhe diplomime, me rruza dhe xixëllime. Ama Vlera Shkodra e ka bo një brend FENITY që ka shku në tjetër drejtim: me dizajne të inspirume prej 1990-ave, ama t’mendume për sot, me dal me shetit rrugëve nën diellin veror, me party tu kcy pak salsa, me flirtu në rrugica e koridore të mahallave dhe me lanë përshtypje kudo që ecë. Teshat e Fenity tashmë janë shpërfaqë edhe në revistat globale si Cosmopolitan dhe ELLE edhe e kanë kualitetin lozonjar, të veshjeve të lehta, gati fluturuse, që e përqafojnë trupin ama nuk e ngushtojnë mos me marrë frymë. Tesha që don mi prekë e don mu prekë. Definitely Fenity. Qe linku, mundeni me porosit./Katror.info.
Marrë nga Suzanne Podcast.
