Aktorja amerikane dhe fituesja e çmimit Oscar Susan Sarandon ende mahnit me pamjen e saj në moshën 77-vjeçare. Sipas portalit Eat This, kjo aktore ikonike beson se një mënyrë jetese aktive, si dhe konsumimi i rregullt i ushqimeve të caktuara, e ndihmon atë të qëndrojë në formë që e kanë zili kolegët e saj shumë më të rinj, shkruan Katror.info.
“Nëse doni të plakeni me hijeshi, mos pini duhan, qeshni shumë, ushtroni rregullisht dhe qëndroni larg diellit”, zbuloi ajo një herë. Aktorja e njohur nxjerr në pah edhe zakonet e saj të të ngrënit, falë të cilave duket dhe ndihet shkëlqyeshëm. Disa nga ushqimet që ajo ha rregullisht janë ato që përmbajnë sasi të mëdha antioksidantësh.
Në një intervistë për WebMD, Sarandon tha se ajo përfshin shumë antioksidantë në dietën e saj, të cilat kanë përfitime të shumta duke përfshirë reduktimin e inflamacionit në trup.
Mundesh me e lexu edhe…
Gjegjësisht, studimet tregojnë se inflamacioni kronik lidhet me shumë sëmundje si diabeti i tipit 2, sëmundjet autoimune, artriti, demenca dhe sëmundjet kardiovaskulare. Ushqimet e pasura me antioksidantë që ajo ha çdo ditë janë manaferrat, kryesisht boronica, angjinarja, brokoli dhe qepa.
Përveç këtyre ushqimeve, aktores i pëlqen të hajë perime me gjethe jeshile që përmbajnë sasi të mëdha vlerash ushqyese që kontribuojnë në ruajtjen e shëndetit të mirë. Këtu përfshihen brokoli, spinaqi, chardi zviceran, lakra jeshile dhe majdanoz.
Siç shpjegojnë dietologët, perimet me gjethe jeshile përbëhen nga vitamina dhe minerale të ndryshme, secila prej të cilave kontribuon në shëndet dhe mbi të gjitha, ato janë të pasura me fibra, ndaj konsumimi i përditshëm ndihmon në rregullimin e peshës trupore dhe nivelit të sheqerit në gjak./Katror.info
Përgatiti:
