Kompania Boeing, respektivisht divizioni i saj, Wisk Aero, u mburrën se janë bërë kompania e parë që kryen një fluturim publik testues të taksive autonome elektrike ajrore që mund të ngrihen dhe ulen vertikalisht në zonën më të madhe të Los Anxhelosit.
Me këtë demonstrim, Boeing gjithashtu tregoi se si mund të duket e ardhmja e trafikut të udhëtarëve. Në vend të taksive klasike, njerëzit mund të transportohen me avionë autonom, në të cilët nuk do të ketë fare pilot, por kompjuterët do të jenë përgjegjës për menaxhim.
Fluturimi testues u krye me aeroplanin e gjeneratës së pestë Wisk Aero dhe tashmë është duke u përgatitur i gjashti, i cili gjithashtu do të ketë një makinë elektrike me një distancë prej gati 150 km me një karikim të vetëm, shkruan Katror.info.
Mundesh me e lexu edhe…
Koha e karikimit do të jetë vetëm 15 minuta, dhe avioni do të ketë vend për katër persona dhe bagazhe, me “opsione autonome”.
Wisk u themelua në vitin 2010 si Zee Aero, dhe kompania më pas u bashkua me Kitty Hawk Corporation. Avioni dhe ekipi i zhvillimit u shkëputën më pas nga ajo kompani dhe Boeing investoi në të.
Pas disa investimeve gjatë viteve, Wisk u bë një filial i Boeing dhe megjithëse vazhdon të funksionojë si një kompani e veçantë, punonjësit e saj kanë qasje në rrjetin e zhvillimit, testimit, njohurive dhe ekspertizës së Boeing./Katror.info
Përgatiti:
