Albumi i megayllit të pop Taylor Swift “The Tortured Poets Department” kryeson listat muzikore, tha Billboard, duke shtuar se në javën e parë të publikimit, ai shiti 1.91 milion kopje të albumeve tradicionale, duke përfshirë 859,000 disqe ‘vinyl’, që është një rekord në shitje epokës moderne.
Në javën e tij të parë, albumi i Taylor Swift gjeneroi gjithashtu 891.34 milionë transmetime zyrtare sipas kërkesës, tha Billboard, duke cituar të dhëna nga Luminate.
Albumi arriti javën më të madhe të transmetimit për një album ndonjëherë dhe javën më të madhe të shitjeve për një album ‘vinyl’ në epokën moderne dixhitale, sipas Billboard.
Është gjithashtu albumi më i shitur deri më tani në 2024. Ky është albumi i 14-të i Taylor Swift që është në krye të tabelës, duke e barazuar atë me Jay-Z në mesin e artistëve të muzikës solo.
Më 19 prill, Swift publikoi 16 këngët e para nga albumi “The Tortured Poets Department”, dhe dy orë më vonë ajo i befasoi fansat duke zbuluar se ishte një album i dyfishtë me 15 këngë të tjera.
Albumi, i shpërndarë nga Universal Music Group, mori vlerësime kryesisht pozitive nga kritikët dhe fansat.
Swift do të vazhdojë turneun e saj Eras, turneun e koncerteve me fitimet më të larta në histori, në Paris në maj./Katror.info
Përgatiti:
