Departamenti i Gazetarisë pranë Universitetit të Prishtinës inauguroi sot Laboratorin e Gazetarisë Mobile dhe UPpodcast, një donacion prej 25 mijë eurosh nga këngëtarja e njohur Doruntina Shala, e njohur me emrin artistik Tayna.
Në fjalimin e saj para të pranishmve , Tayna theksoi se studentët janë e ardhmja dhe zemra e Kosovës.
Ndërsa studentëve iu drejtua posaçërisht me fjalët: “Ju jeni ura që lidh atë që bota është sot me atë që mund të bëhet. Unë besoj se potenciali juaj është i pakufijshëm, prandaj besoni edhe ju në veten tuaj.”
Mundesh me e lexu edhe…
“Nëpërmjet punës sime tani, kam arritur të kuptoj se sa thelbësore është të kesh mbështetjen e të inkurajosh edhe më tepër dikë tjetër që t`i vazhdojnë ëndrrat e tyre. Dua t’i shpreh mirënjohjen time më të thellë fakultetit dhe administratës për përkushtimin e tyre të palëkundur. Besoj se secili prej nesh ka potencialin të jetë më i mirë se tjetri, nëpërmjet artit e medias, secili prej nesh kemi mundësinë të shprehim zërat tanë unik”, tha ajo.
Tayna dha një shembull frymëzues përmes donacionit të saj dhe mbështetjes së ofruar për studentët. Me këtë gjest, ajo jo vetëm që kontribuoi në përmirësimin e kushteve për edukimin dhe inovacionin në gazetari, por gjithashtu dërgoi një mesazh të fuqishëm mbi rëndësinë e investimit në rininë dhe të ardhmen e Kosovës.
Përmes këtij akti, ajo tregoi se suksesi merr vlerë të vërtetë kur ndahet dhe kthehet në mundësi për brezat e rinj. /Katror.info
Përgatiti:
