Është duke vazhduar procesi i numërimit të votave për partitë politike nga Komisioni Qendror i Zgjedhjeve (KQZ), ndërkaq këto janë rezultatet në 7 qytetet e mëdha të Kosovës, me numërimin e deritanishëm.
Në Komunën e Prishtinës deri më tani janë numëruar 96.90% e votave, ku LVV ka marrë 46.82%, LDK ka 25.62%, PDK ka marrë 18.36% dhe AAK-Nisma ka marrë 3.31%.
Në Komunën e Pejës deri më tani janë numërurar 81.82% e votave, ku LVV ka marrë 41.49 %, LDK ka 27.99%, PDK ka marrë 10.09 % dhe AAK-Nisma ka 12.70%.
Mundesh me e lexu edhe…
Në Komunën e Gjakovës deri më tani janë numëruar 93.10% e votave, ku me 47.15% prin Lëvizja Vetëvendosje, e ndjekur nga AAK-NISMA me 19.70%, LDK me 16.68% dhe PDK me 10.23%.
Në Ferizaj sipas statistikave të KQZ-së me numërim të plotë të votave, LVV ka marrë gjithsejtë 50.97% ndërkaq PDK-ja në këtë komunë ka marrë gjithsejtë 27.76 për qind. LDK-ja 12.91%. AAK-ja 3.12 për qind.
Ndërkaq në Mitrovicë janë numëruar 92.38 për qind e votave, ku Lëvizja Vetëvendosje (LVV) ka marrë 56.25 për qind të votave, Partia Demokratike e Kosovës (PDK) ka marrë 30.77 për qind të votave, Lidhja Demokratike e Kosovës (LDK) ka marrë 6.35 për qind të votave dhe Aleanca për Ardhmërinë e Kosovës (AAK) – Nisma ka marrë 1.35 për qind të votave.
KQZ në platformën e saj ka raportuar se në Prizren janë numëruar 91.53% të votave, ku LVV ka marrë 40.78%, PDK ka marrë 22.85%, LDK ka marrë 10.69% dhe AAK-Nisma ka marrë 4.76% të votave.
Në Komunën e Gjilanit deri më tani janë numërurar 86.82% e votave, ku LVV ka marrë 51.54 %, LDK ka 22.02 %, PDK ka marrë 16.95% dhe AAK-Nisma ka 2.65%.
Ndërkaq, përgjithësisht, Lëvizja Vetëvendosje (LVV) ka dalë forcë e parë politike në zgjedhjet e fundit në Kosovë, sipas rezultateve preliminare të publikuara nga Komisioni Qendror i Zgjedhjeve (KQZ). Me 93.25% të vendvotimeve të numëruara, LVV ka siguruar 322,376 vota ose 41.01% të totalit.
Pas saj renditet Partia Demokratike e Kosovës (PDK) me 176,570 vota (22.46%), e ndjekur nga Lidhja Demokratike e Kosovës (LDK) me 138,833 vota (17.66%). Aleanca për Ardhmërinë e Kosovës (AAK) dhe Nisma Socialdemokrate kanë arritur të grumbullojnë 59,036 vota (7.51%).
Lista Serbe ka siguruar 30,485 vota (3.88%), ndërsa Koalicioni për Familje ka marrë 17,986 vota (2.29%). /Katror.info
Përgatiti:
