Stadiumi “Fadil Vokrri” në Prishtinë do të jetë i mbushur plot sonte, pasi të gjitha biletat për përballjen mes Kosovës dhe Islandës janë shitur. “Dardanët” pritet të krijojnë një atmosferë elektrizuese në mbështetje të Kombëtares, e cila synon një fitore të rëndësishme në ndeshjen e parë të “play-off”-it të Ligës së Kombeve, shkruan Katror.info.
Takimi do të nisë në orën 20:45 dhe përfaqësuesja e Kosovës do të kërkojë të sigurojë një rezultat pozitiv përpara ndeshjes së kthimit, e cila do të zhvillohet të dielën në Murcia të Spanjës.
Triumfi në këtë duel me dy takime do t’i sigurojë fituesit një vend në Ligën B të Ligës së Kombeve për edicionin e ardhshëm, ndërsa humbësi do të zbresë në Ligën C.
Mundesh me e lexu edhe…
Ekipi i drejtuar nga trajneri Franco Foda ka përgatitur strategjinë për këtë përballje vendimtare, ndërsa tifozët shpresojnë për një paraqitje të fuqishme të djemve të Kosovës për të siguruar një avantazh para sfidës së kthimit./Katror.info
Përgatiti:
