Nëse e keni qef muzikën, këtë javë mundeni me këndu, me vallzu, më u mahnit me operë e balet, me techno, metal dhe soul: plot ngjarje, lansime singlash dhe albumesh. Bash gjithçka për gjithkond: Baleti Kombëtar i Kosovës prezanton shfaqjen ‘Hope’ me shënu Ditën botnore kundër kancerit; premiera e operës madhështore ‘Aida’ të Giuseppe Verdit shfaqet nga Teatri Kombëtar i Operas dhe Baletit në Tiranë; eventi ‘Megadance’ sjelle plot DJ të mirë në Zone; Lui$a vjen me një single të ri pak soul Prishtine me shije losanxhelosiane, Frisson vjen me EP album dhe koncert me zo të ashpër metal.
E sjellim edhe programin e shfaqjeve teatrale të shkurtit nga Teatri i Gjilanit; nje prezantim dhe debat për reciklim moderume nga Engjëll Rodiqi në Hackerspace, dhe krejt n’fund prezantojmë skulpturat gjigante urbane të Pëllumb Meta, inspirume prej artistëve si Kaws dhe Orlinski.
Me pa: Shfaqja HOPE nga Baleti Kombëtar, Pallati i Rinisë, Prishtinë
Mundesh me e lexu edhe…
4 shkurti është Dita Botnore Kundër Kancerit, e organizata Action for Health Kosovo bashkë me Baletin Kombëtar të Kosovës, shfaq premierën “HOPE“. Sipas organizatorëve, HOPE është një “udhëtim emocional që trajton sfidën ma t’madhe të jetës – përballjen me një sëmundje të randë dhe luftën për me rujt shpresën.” Koreografinë e udhëheq Sead Vuniqi, muzika osht nga Phil Von, shfaqja ka edhe plot elemente të multimedias, video produksionit, etj. Mbahet në atelienë e Pallatit të Rinisë me 4 shkurt, në ora 19:30.
Me pa/diskutu: “Alexander Kluge – Një Retrospektive”, Kino Armata dhe Hani i 2 Robertëve, Prishtinë
Retrospektiva e parë e njonit prej intelektualëve, regjisorëve, dhe filozofëve ma t’njoftun gjerman Alexander Kluge, po vjen në Kosovë me titull “Mësymja e tashmes ndaj kohës së ngelun”. Organizatorët “ftojnë publikun me eksploru veprat e Kluges, duke shqyrtu kinematografinë inovative të Kluge, teorinë e mediave dhe konceptin e tij të kundër-publikave—tu ofru njohuni mbi kujtimin, identitetin dhe diskursin pas krizës.” Retrospektiva përfshin shfaqje të filmave Abschied von Gestern (1966) dhe Die Artisten in der Zirkuskuppel: Ratlos (1968), plus ligjërata, punëtori dhe diskutime. Me hapjen e programit dy-ditor me një fjalim nga Prof. Dr. Rainer Stollmann, programi lidh punën e Kluge me përvojën kulturore dhe historike të Kosovës. Retrospektiva mbahet në Kino Armata dhe Hani i 2 Robertëve, prej 6 deri 8 shkurt.
Me kcy: Megadance, Zone Club, Prishtinë
Kolektivi M3G4D4NC3R osht bo bashkë prapë me Zone Electronic Series me pru një lajnap t’mirë me 6 DJa: Edeua (Shqipni), Delto (Itali), Nyst (Zvicër), Everlyn (Greqi), Ivana (Maqedoni) dhe dostin tonë Genc Elezaj. Po dokët super techno event, me emna që i njofim mirë edhe do që po vijnë për herë të parë. Skyte (për të cilën kena shkru) e ka bo brendingun e çart organik si zakonisht, e ngjarja mbahet me 8 shkurt, prej ores 23:00 e deri të nesërmen dikur…
Me dëgju: Opera “Aida” e Giuseppe Verdit, TKOB, Tiranë
Ehh, qe një ngjarje e madhe: Teatri Kombëtar i Operës, Baletit dhe Ansamblit Popullor sjell në skenë njo nga kryeveprat ma t’mëdha të Giuseppe Verdit “AIDA”, me një produksion legjendar të Franco Zeffirelli. Ndoshta keni dëgju për Aidën, dramën e një dashnie të ndalume midis Aidas, princeshës etiopiane, dhe Radamesit, gjeneralit egjiptian, në sfondin madhështor të Egjiptit të lashtë. Tradhtia, sakrifica dhe lufta mes ndjenjave personale dhe detyrës kanë me ju mbajtë pezull deri në notën e fundit. S’kemi nevojë me ju përshkru muzikën e Verdit, e pasun me emocione të thella dhe pasione shpërthyse, ama presim që shfaqja ka mu shoqnu nga një skenografi madhështore dhe kostume magjepsëse, qysh zakonisht përcjellet çdo produksion i Aidas në botë. Premiera me 6 shkurt dhe ekstra shfaqjet me 8, 10 dhe 12 shkurt në Tiranë.
Me dëgju: Singli i ri “Solo” nga Lui$a, LA/Pr
Lui$a (emni artistik i Luiza Boshnjakut) osht një gru që o nis në Los Angeles me shpërthy edhe e ka nënshkru kontratën me labelin e njoftun global Broke Records (me ndihmë të super menaxhmentit të Three60 Music të njoftun), me shpërnda pak dashni, sensualitet, me zanin e vet dhe muzikën me pak soul, pak hiphop, pak pop. Rrëfimi osht që kanga u kriju brenda një dite, mas një party dikah në Hollywood, që tregon spontanitetin dhe krijimtarinë mrapa këtij projekti. Edhe video spoti osht spontan, urban edhe i xhirum në Prishtinë. Përcilleni edhe dëgjojeni se Lui$a ka m’u konë emën i madh edhe nëj ditë…
Me dëgju: Lansimi i albumit / koncert nga Frisson, Teatri Oda, Prishtinë
Koxha kom ngu metal (death e trash) si e vogël (imspirum prej vllaut Skifës) edhe dhomën e kom pas me postera të Maks Cavalera dhe Sepultura, Pantera edhe hala ka pak m’rreh zemra kur ni muzikë t’mirë metall, edhe pse skena te na pak a shumë u pushtu prej hiphopit ma shumë a ma pak estradesk, edhe me rock muzikë kanë mbetë do ishuj. E njani prej qatyne ishujve që kanë edhe fansa t’flaktë jane Frissoni. Ka koxha do vjetë që jon tu bo muzikë tepër t’mirë, me sound mirë t’përpunum, që të zgjon bash qat ndjenjën e frissonit (thrill pak i frikshëm) kur t’i ngon. Bendi që përbahet prej Ilir Brajshorit me vokal super special, gitaret prej Galdon Recices dhe prapë Ilirit, bass prej Rion Kika dhe tupanat prej Lum Havollit, po vijnë me EP album të ri (me 5 kangë dhe titull “A flet ky gjak”“) dhe koncert lansues, provokues, shurdhues, tranues në ODA, me 8 shkurt, në ora 8.
Me diskutu/inspiru: “Let’s talk recycling!”, Prishtina Hackerspace, Prishtinë
E kemi përcjellë punën dhe shkrimet e Engjëll Rodiqi edhe ma herët. Kësaj rradhe po vjen me një prezentim, përcjellun me diskutim se çka po ndodh aktualisht me menaxhimin e bërllogut në qytetet tona, por ma e rëndësishmja, me diskutu edhe çka po funksionon përnime me përmirsu situatën katastrofale – nga iniciativat në mahalla e deri te bizneset që po bojn ndryshime reale. Ftesa për këtë bashkëbisedim jep shpresë se “ka shumë sende që mujm me i mësu nga këto histori suksesi.” Prezentimi optimist në një situatë koxha pesimiste reth mbeturinave, mbahet në Prishtina Hackerspace, me 5 shkurt në ora 17:30.
Me pa: Shfaqje teatri “E vërteta”, Teatri i Gjilanit
Deshtëm pak me diversifiku mbulimin gjeografik dhe po ju sjellim programin për muajin shkurt të Teatrit të Gjilanit. Sezoni ka me ja nis me 7 shkurt me shfaqje të komedisë vetanake “E VËRTETA” të Florian Zeller dhe regji të Agon Myftarit, një komedi që eksploron rrenat dhe sekretet mrena marrëdhanieve njerëzore. Guardiani pat thonë për Zeller se “osht një shkrimtar që fort ka qef me sjell konfuzion te publiku. Rrena dhe përdorimet e saj të shumta e fascionojnë autorin, dhe injoranca e pretendume shfaqet këtu si mjeti ma dinak: njohunia e fshehun osht një farë fuqije. Ama, një nga pytjet që ai ngre osht kjo: kur njohunia e fshehun për një tradhti i çmonton qëndisjet e një jetë, a osht ma shumë fuqi, se një mbulesë e trashë për paftësinë?”. Luajnë: Kushtrim Qerimi, Tringa Hasani, Avni Shkodra, Safete Mustafa Baftiu.
Me zbukuru: Pop sculpturat e Studio Pëllumb Meta, Prishtinë
Skulptura te na osht koxha e njëtrajtshme, socrealiste, jo fort lozonjare. Përmendoret në qytet krejt e përcjellin shabllonin komunist. Por nëpër botë sheh punime që janë përzimje e inspirimeve nga kultura e grafitti, pop arti, referenca të stripave të vizatum, e filmave antologjik. Artistat si KAWS me skulptura ironike të Miki Mausit dhe Richard Orlinski me gorilla inspirum nga King Kongu, janë omniprezente, prej figurinave të vogla nëpë aeroporte e deri në skulpura gjigante nëpër sheshe. Do prej tyne qaq shpesh janë riprodhu sa që ja kanë nis kapak kiç mu bo, por prapë e kanë njëfarë fryme që të shtin me buzëqesh sa herë i sheh.
E Pëllumb Meta e ka një studio që osht specializu bash në reproduksione të këtyre skulpturave ikonike me inspirime urbane, filmike, pop artistike. Pëllumbi bon edhe dekorime për festa te shtrigave dhe objekte hotelierike, ama punëdoren e ka të mirë, edhe gjithsesi bjen diçka që kemi nevojë. Kush s’ka nevojë me pa në sheshe të qyteteve tona pak shtazë të larmishme me na ndreq ditën?
Marrë nga Suzanne Podcast. /Katror.info
Përgatiti:
